Túrkistanda tas atyp tóbelesken júrgizýshilerdiń biri qaitys boldy, dep habarlaidy QazAqparat tilshisi.
Oqiǵa Túrkistan qalasynan Kentaýǵa shyǵar jolda oryn alǵan. Ekeýara bolǵan eregistiń sońy adam ólimine alyp keldi. Júrgizýshilerdiń biri ekinshisin taspen urǵan. Saldarynan bir adam oqiǵa ornynda qaitys boldy.
Kólikte kúdiktimen birge bolǵan ákesi jedel járdem shaqyrǵan. Dárigerler jábirlenýshiniń qaitys bolǵanyn anyqtap, politsiiaǵa habar beripti.
«Kúdikti jas jigit, Túrkistan qalasynyń turǵyny, buryn Almaty oblysynda tonaý áreketi úshin shartty túrde jazasyn ótegen. Ony politsiia qyzmetkerleri qylmys ornynda ustady. Oǵan qatysty QR QK-niń 99-baby «Adam óltirý» boiynsha sotqa deiingi tergeý amaldary júrgizilýde. Kúdikti ýaqytsha ustaý izoliatoryna qamaýǵa alyndy. Saraptama taǵaiyndaldy. Oqiǵanyń mán-jaiyn politseiler sotqa deiingi tergeý barysynda anyqtaityn bolady» - delingen Túrkistan oblysy politsiia departamentiniń baspasóz qyzmeti taratqan habarlamada.
