Túrkistan oblysynda zańsyz jer qoinaýyn paidalaný faktisi boiynsha jumys istegen 12 sheteldik anyqtaldy, dep habarlaidy ult.kz.
Túrkistan oblysynda politsiia qyzmetkerleri kóshi-qon zańnamasynyń saqtalýyn baqylaý, sheteldik jumys kúshin zańsyz paidalanýdyń jolyn kesý jáne zańsyz jer qoinaýyn paidalanýǵa qarsy is-sharalardy turaqty túrde júrgizip keledi.
Kezekti tekserý barysynda Túlkibas aýdanynda kóshi-qon zańnamasyn buzý deregi anyqtaldy. Belgili bolǵandai, 12 shetel azamaty ekskavator men júk kólikterin paidalanyp, zańsyz jer qoinaýyn igerý jumystaryna qatysqan.
Atalǵan azamattardyń barlyǵyna qatysty kóshi-qon zańnamasyn buzǵany úshin ákimshilik hattamalar toltyrylyp, materialdar sotqa joldandy. Sondai-aq sheteldik jumys kúshin zańsyz tartqany jáne kóshi-qon talaptaryn buzǵany úshin qabyldaýshy tarap ta ákimshilik jaýapkershilikke tartyldy.
Politsiianyń jedel áreketiniń nátijesinde shetel azamattarynyń zańsyz eńbek qyzmeti toqtatylyp, zańsyz jer qoinaýyn paidalaný jumystaryn jalǵastyrýǵa jol berilmedi.
