Túrkistan qalasynda zaman talabyna sai salynǵan «Olympic Center» sport kesheni ashyldy, dep habarlaidy QazAqparat Túrkistan oblysy ákiminiń baspasóz qyzmetine silteme jasap.
Qýanyshty sátke Túrkistan oblysynyń ákimi Ómirzaq Shókeev, metsenat Daniiar Abýlǵazin jáne jýyrda ǵana bokstan álem chempiony atanǵan Sáken Bibosynov arnaiy qatysyp, ǵimarattyń lentasyn qidy. Túrkistan oblysynyń ákimi Ómirzaq Shókeev sóz sóilep, Túrkistan jurtshylyǵyn quttyqtady.
– Oblysymyzda Táýelsizdigimizdiń 30 jyldyǵyn merekeleýge daiyndyq bastalyp ketti. Sol mereke qarsańynda Túrkistan qalasynda kóptegen áleýmettik nysandar iske qosylyp jatyr. Ózderińiz bilesizder, Elbasy Nursultan Nazarbaevtyń tapsyrmasymen Túrkistan qalasyn qaita jańǵyrtý, jańartý jumystary júrip jatyr. 2,5 jyldyń ishinde 400-den astam nysan salyndy. Jańa ákimshilik-iskerlik ortalyq, tarihi, mádeni, týristik ortalyqtar boi kóterdi. Túrkistannyń jańa kelbeti qalyptasyp kele jatyr. Mine, osy damý jospary aiasynda búgin óte keremet sport keshenin ashqaly turmyz. Bul nysandy belgili kásipker Daniiar Abýlǵazin óz qarajatyna salyp, Túrkistanǵa tartý etip otyr. Ózderińiz kórip otyrsyzdar, munda sportty damytýǵa barlyq jaǵdai jasalǵan. Sporttyń túr-túrimen jyldyń 4 mezgilinde de úzdiksiz ainalysýǵa bolady. Komandalyq oiyn túrleri zaly, 50 metrlik basseini, meditsina ortalyǵy óte jaqsy jobamen salynǵan. Bul keshen bizdiń jasóspirimder, jastar úshin óte keremet syilyq boldy. Mineki, aramyzda kúni keshe ǵana álem chempiony atanǵan Sáken Bibosynov baýyrymyz kelip otyr. Óńirimizden Sáken siiaqty chempiondar shyǵa bersin! – dedi Shókeev.
Saltanatty is-sharada sport nysanyn salyp bergen metsenat Daniiar Abýlǵazin jobany júzege asyrýǵa qoldaý kórsetken Túrkistan oblysy ákimdigine alǵysyn bildirdi.
– Bul keshendi Elbasy Nursultan Nazarbaevtyń tikelei tapsyrmasymen salyp, elge tapsyryp otyrmyz. Ǵimaratta sporttyń san túrimen ainalysýǵa kóp múmkindikter jasalǵan. Óz ómirin kásibi sportpen bailanystyrǵysy keletinder de, densaýlyǵyn jaqsartyp, dene shynyqtyrýdy qalaityndar da ózine unaityn nárseni osy sport kesheninen tabatynyna senimdimin – dedi ol.
Jiynda bokstan Tokio Olimpiadasynyń qola júldegeri, álem chempiony Sáken Bibosynov ta quttyqtaý sóz sóilep, osy keshennen laiyqty izbasarlar ósip shyǵa bersin degen tilegin jetkizdi.
Túrkistandaǵy jańa turǵyn úiler aýmaǵynda ornalasqan nysannyń jalpy aýmaǵy – 13 246 sharshy metr. Munda sporttyń birneshe túrinen halyqaralyq dodalardy ótkizýge múmkindik bar. 1000 adam syiatyn ámbebap sport zalynda shaǵyn fýtbol, basketbol, gandbol, voleibol, ústel tennisi jáne ózge de sport túrlerin damytýǵa múmkindik jasalǵan. 9 júzý jolaǵy bar, uzyndyǵy 50 metrlik bassein de halyq igiligine berildi. Ashyq aspan astyndaǵy basseinniń qasynda bir mezgilde 200 adam kúnge qyzdyrynyp, jarysty tamashalai alady.
Sonymen birge erlerge jáne áielderge arnalǵan jalpy 170 oryndyq kiim aýystyrý bólmesi, májilis zaly jáne sapaly ári kásibi qural-jabdyqtarmen jabdyqtalǵan jattyǵý zaly jumys isteidi. Júgirý jolaqtary men velojol, massaj bólmesi, hamam, saýna jáne 40 oryndyq býfet bar. Taǵy bir ereksheligi, keshende meditsinalyq ortalyǵy da jumys isteitin bolady. Sondai-aq 82 oryndyq qonaq úi salynǵan. Bul sport kesheninde oqý-jattyǵý jiyndaryn da ótkizýge bolady.
Qurylys jumystary 2019 jyly bastalyp, biyl tapsyrylǵan bul nysan Túrkistan óńirinde buqaralyq jáne kásibi sportty damytýǵa tyń serpin beredi.
