Búgin Túrki áleminiń 2017 jylǵy mádeni astanasy atanǵan Túrkistan qalasynda TÚRKSOI halyqaralyq uiymy turaqty Keńesiniń 35-shi otyrysy ótti, dep habarlaidy "Ult aqparat".
Turaqty keńes otyrysyna Halyqaralyq túrki mádenieti uiymynyń Bas hatshysy Dúisen Qaseiinov, Ońtústik Qazaqstan oblysynyń ákimi Janseiit Túimebaev, QR Mádeniet jáne sport ministri Arystanbek Muhamediuly, Túrkiia Respýblikasynyń Mádeniet jáne týrizm ministri Nýman Kýrtýlmýsh, Qyrǵyz Respýblikasynyń Mádeniet, aqparat jáne týrizm ministri Sultanbek Jumaǵulov jáne TÚRKSOI múshe elderdiń mádeniet ministrlikteriniń ókilderi, mádeniet qairatkerleri men túrki keńesi, túrkitildes memleketteriniń parlamenttik Assambleiasy, halyqaralyq túrki akademiiasy, túrki mádeni miras qory sekildi halyqaralyq uiymdardyń ókilderi qatysty.
Keńes otyrysyn ashyp, júrgizip otyrǵan QR Mádeniet jáne sport ministri Arystanbek Muhamediuly túbi bir túrki halyqtarynyń birligi men yntymaǵy odan ári nyǵaia beretinin aityp, Túrkistan túrki áleminiń astanasy aiasynda ótken sharalarǵa atsalysqan barsha túrki halqyna alǵys aitty. Al, Halyqaralyq túrki mádenieti uiymynyń Bas hatshysy Dúisen Qaseiinov Túrkistanda jyl aiasynda ótken is-sharalardy joǵary deńgeide uiymdastyryp, ótkizgeni úshin oblys ákimine alǵysyn bildirdi.
Basqosýda túrki elderiniń Mádeniet ministrleri túbi bir baýyrlardyń mádeni-rýhani bailanysyn nyǵaitý jolynda igilikti isterdiń kóptep ótýine basymdyq berilý qajettigin kóterip, rýhani qalada ótken mádeni sharalar boiynsha óz pikirlerin bildirdi.
Jiynda sóz alǵan oblys ákimi J.Túimebaev túrki mádenietin álemge tanytatyn halyqaralyq deńgeidegi turaqty keńestiń mańyzdylyǵyna toqtalyp, túrki áleminiń astanasy mártebesi buiyrǵan – ejelgi Túrkistan qalasyna qosh keldińizder, - dedi.
«Túrki halyqtary jahandaný zamanynda alpaýyt elderge jutylyp ketpei, ulttyq kodyn, ózindik erekshelikterin, mádenieti, rýhaniiaty men memlekettiligin saqtap qalý úshin ózara yntymaqtastyǵyn nyǵaityp, birligin bekemdei túsýi kerek. Osyny eskersek, «Túrkistan – Túrki áleminiń mádeni astanasy» jyly Elbasynyń rýhani jańǵyrý jónindegi bastamasymen úilesip, Máńgilik El murattarymen úndesip jatyr. Biz osynaý mańyzdy sharany barynsha joǵary deńgeide ótkizýge bar kúsh-jigerimiz ben ynta-yqylasymyzdy saldyq. Osy mártebeli mindetti joǵary deńgeide atqarý maqsatynda TÚRKSOI halyqaralyq uiymy, Qazaqstan Respýblikasynyń Mádeniet jáne sport ministrligi, Ońtústik Qazaqstan oblysynyń ákimdigi tarapynan josparly da júieli jumystar júrgizildi», - dedi oblys ákimi.
Budan bólek, aimaq basshysy Túrki áleminiń 2017 jylǵy mádeni astanasy aiasynda Túrkistan men Shymkent qalalarynda uly dalany dúbirge bólegen, túrki tutastyǵyn tereńdete túsetin máni men mazmuny astasqan aýqymdy 40-tan astam shara uiymdastyrylǵanyn atap ótti. Sondai-aq, ákim 2020 jyly Shymkent qalasy TMD elderiniń madeni astanasy bolyp jariialanǵanyn aityp, barsha túrki halqyn atalmysh is-sharanyń qadirli qonaǵy bolýǵa shaqyrdy.
Halyqaralyq uiymyna múshe Mádeniet ministrleriniń dástúrli kezdesýinde TÚRKSOI-dyń ótken jylǵy atqarǵan esebi tyńdalyp, 2017 jyly Túrki halyqtarynyń mádeni-rýhani bailanystaryn nyǵaitý jolynda atqarylǵan sharalar talqylandy. Sonymen birge, uiymnyń aldaǵy jylǵa arnalǵan jospary maquldandy. Alqaly jiyn nátijesinde qatysýshylar TÚRKSOI turaqty Keńesiniń HHHV otyrysynyń Deklaratsiiasy men jumys hattamasyn qabyldap, qol qoidy.
Sonymen qatar, Keńes otyrysyna qatysýshy túrki elderinen kelgen qonaqtar qolóner ortalyǵyndaǵy «TÚRKSOI» beineleý óneri kórmesin tamashalap, onda sýretshiler kezdesýiniń jeńimpazyna TÚRKSOI arnaiy syilyǵyn tapsyrady.
