بٷگٸن تٷركٸ ەلەمٸنٸڭ 2017 جىلعى مەدەني استاناسى اتانعان تٷركٸستان قالاسىندا تٷركسوي حالىقارالىق ۇيىمى تۇراقتى كەڭەسٸنٸڭ 35-شٸ وتىرىسى ٶتتٸ, دەپ حابارلايدى "ۇلت اقپارات".
تۇراقتى كەڭەس وتىرىسىنا حالىقارالىق تٷركٸ مەدەنيەتٸ ۇيىمىنىڭ باس حاتشىسى دٷيسەن قاسەيٸنوۆ, وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ, قر مەدەنيەت جەنە سپورت مينيسترٸ ارىستانبەك مۇحامەديۇلى, تٷركييا رەسپۋبليكاسىنىڭ مەدەنيەت جەنە تۋريزم مينيسترٸ نۋمان كۋرتۋلمۋش, قىرعىز رەسپۋبليكاسىنىڭ مەدەنيەت, اقپارات جەنە تۋريزم مينيسترٸ سۇلتانبەك جۇماعۇلوۆ جەنە تٷركسوي مٷشە ەلدەردٸڭ مەدەنيەت مينيسترلٸكتەرٸنٸڭ ٶكٸلدەرٸ, مەدەنيەت قايراتكەرلەرٸ مەن تٷركٸ كەڭەسٸ, تٷركٸتٸلدەس مەملەكەتتەرٸنٸڭ پارلامەنتتٸك اسسامبلەياسى, حالىقارالىق تٷركٸ اكادەميياسى, تٷركٸ مەدەني ميراس قورى سەكٸلدٸ حالىقارالىق ۇيىمداردىڭ ٶكٸلدەرٸ قاتىستى.
كەڭەس وتىرىسىن اشىپ, جٷرگٸزٸپ وتىرعان قر مەدەنيەت جەنە سپورت مينيسترٸ ارىستانبەك مۇحامەديۇلى تٷبٸ بٸر تٷركٸ حالىقتارىنىڭ بٸرلٸگٸ مەن ىنتىماعى ودان ەرٸ نىعايا بەرەتٸنٸن ايتىپ, تٷركٸستان تٷركٸ ەلەمٸنٸڭ استاناسى اياسىندا ٶتكەن شارالارعا اتسالىسقان بارشا تٷركٸ حالقىنا العىس ايتتى. ال, حالىقارالىق تٷركٸ مەدەنيەتٸ ۇيىمىنىڭ باس حاتشىسى دٷيسەن قاسەيٸنوۆ تٷركٸستاندا جىل اياسىندا ٶتكەن ٸس-شارالاردى جوعارى دەڭگەيدە ۇيىمداستىرىپ, ٶتكٸزگەنٸ ٷشٸن وبلىس ەكٸمٸنە العىسىن بٸلدٸردٸ.
باسقوسۋدا تٷركٸ ەلدەرٸنٸڭ مەدەنيەت مينيسترلەرٸ تٷبٸ بٸر باۋىرلاردىڭ مەدەني-رۋحاني بايلانىسىن نىعايتۋ جولىندا يگٸلٸكتٸ ٸستەردٸڭ كٶپتەپ ٶتۋٸنە باسىمدىق بەرٸلۋ قاجەتتٸگٸن كٶتەرٸپ, رۋحاني قالادا ٶتكەن مەدەني شارالار بويىنشا ٶز پٸكٸرلەرٸن بٸلدٸردٸ.
جيىندا سٶز العان وبلىس ەكٸمٸ ج.تٷيمەباەۆ تٷركٸ مەدەنيەتٸن ەلەمگە تانىتاتىن حالىقارالىق دەڭگەيدەگٸ تۇراقتى كەڭەستٸڭ ماڭىزدىلىعىنا توقتالىپ, تٷركٸ ەلەمٸنٸڭ استاناسى مەرتەبەسٸ بۇيىرعان – ەجەلگٸ تٷركٸستان قالاسىنا قوش كەلدٸڭٸزدەر, - دەدٸ.
«تٷركٸ حالىقتارى جاھاندانۋ زامانىندا الپاۋىت ەلدەرگە جۇتىلىپ كەتپەي, ۇلتتىق كودىن, ٶزٸندٸك ەرەكشەلٸكتەرٸن, مەدەنيەتٸ, رۋحانيياتى مەن مەملەكەتتٸلٸگٸن ساقتاپ قالۋ ٷشٸن ٶزارا ىنتىماقتاستىعىن نىعايتىپ, بٸرلٸگٸن بەكەمدەي تٷسۋٸ كەرەك. وسىنى ەسكەرسەك, «تٷركٸستان – تٷركٸ ەلەمٸنٸڭ مەدەني استاناسى» جىلى ەلباسىنىڭ رۋحاني جاڭعىرۋ جٶنٸندەگٸ باستاماسىمەن ٷيلەسٸپ, مەڭگٸلٸك ەل مۇراتتارىمەن ٷندەسٸپ جاتىر. بٸز وسىناۋ ماڭىزدى شارانى بارىنشا جوعارى دەڭگەيدە ٶتكٸزۋگە بار كٷش-جٸگەرٸمٸز بەن ىنتا-ىقىلاسىمىزدى سالدىق. وسى مەرتەبەلٸ مٸندەتتٸ جوعارى دەڭگەيدە اتقارۋ ماقساتىندا تٷركسوي حالىقارالىق ۇيىمى, قازاقستان رەسپۋبليكاسىنىڭ مەدەنيەت جەنە سپورت مينيسترلٸگٸ, وڭتٷستٸك قازاقستان وبلىسىنىڭ ەكٸمدٸگٸ تاراپىنان جوسپارلى دا جٷيەلٸ جۇمىستار جٷرگٸزٸلدٸ», - دەدٸ وبلىس ەكٸمٸ.
بۇدان بٶلەك, ايماق باسشىسى تٷركٸ ەلەمٸنٸڭ 2017 جىلعى مەدەني استاناسى اياسىندا تٷركٸستان مەن شىمكەنت قالالارىندا ۇلى دالانى دٷبٸرگە بٶلەگەن, تٷركٸ تۇتاستىعىن تەرەڭدەتە تٷسەتٸن مەنٸ مەن مازمۇنى استاسقان اۋقىمدى 40-تان استام شارا ۇيىمداستىرىلعانىن اتاپ ٶتتٸ. سونداي-اق, ەكٸم 2020 جىلى شىمكەنت قالاسى تمد ەلدەرٸنٸڭ مادەني استاناسى بولىپ جارييالانعانىن ايتىپ, بارشا تٷركٸ حالقىن اتالمىش ٸس-شارانىڭ قادٸرلٸ قوناعى بولۋعا شاقىردى.
حالىقارالىق ۇيىمىنا مٷشە مەدەنيەت مينيسترلەرٸنٸڭ دەستٷرلٸ كەزدەسۋٸندە تٷركسوي-دىڭ ٶتكەن جىلعى اتقارعان ەسەبٸ تىڭدالىپ, 2017 جىلى تٷركٸ حالىقتارىنىڭ مەدەني-رۋحاني بايلانىستارىن نىعايتۋ جولىندا اتقارىلعان شارالار تالقىلاندى. سونىمەن بٸرگە, ۇيىمنىڭ الداعى جىلعا ارنالعان جوسپارى ماقۇلداندى. القالى جيىن نەتيجەسٸندە قاتىسۋشىلار تٷركسوي تۇراقتى كەڭەسٸنٸڭ حححV وتىرىسىنىڭ دەكلاراتسيياسى مەن جۇمىس حاتتاماسىن قابىلداپ, قول قويدى.
سونىمەن قاتار, كەڭەس وتىرىسىنا قاتىسۋشى تٷركٸ ەلدەرٸنەن كەلگەن قوناقتار قولٶنەر ورتالىعىنداعى «تٷركسوي» بەينەلەۋ ٶنەرٸ كٶرمەسٸن تاماشالاپ, وندا سۋرەتشٸلەر كەزدەسۋٸنٸڭ جەڭٸمپازىنا تٷركسوي ارنايى سىيلىعىن تاپسىرادى.
