Kozachkov offside
Túrkistan oblysy boiynsha memlekettik qyzmet isteri agenttigi departamenti áleýmettik jelilerde rezonans týdyrǵan, memlekettik qyzmetshiniń tóbelesi boiynsha tekseris júrgizdi, - dep habarlaidy vedomstvonyń baspasóz qyzmeti.
Nátijesinde, 5 jeltoqsanda Agenttiktiń Túrkistan oblysy boiynsha Ádep jónindegi keńesi tiisti sheshim qabyldady.
"Keńes sheshimimen Túrkistan oblysynyń Memlekettik sáýlet-qurylys baqylaý basqarmasynyń basshysy S. Jalyqulǵa qatysty qyzmettik ádep normalaryn buzǵany úshin "atqaryp otyrǵan laýazymynan bosatý" túrindegi tártiptik jaza qoldaný usynyldy", - delingen habarlamada.
Ádep jónindegi keńes Jalyqul tarapynan bolǵan turpaiy, qoǵamǵa jat minez-qulyqty, sondai-aq memlekettik organnyń bedelin túsiretin áreket jasaý arqyly jalpyǵa ortaq moraldyq-etikalyq normalardy buzý deregin anyqtady.
