Túrkistanda tarihi sáýlet úlgisindegi shyǵys monshasy ashyldy. Tarihi qalanyń kelbetine kórik berip turǵan shyǵys monshasynyń jalpy aýmaǵy 3000 sharshy metrden asady, dep habarlaidy "Ult aqparat".
Ótken jyly irgetasy qalanǵan nysan - Qyzylorda oblysynyń Túrkistanǵa tartýy sanalady.
Oblys ortalyǵyn kóriktendirý men abattandyrý, qurylys jumystary óńir basshysy Ómirzaq Shókeevtiń tikelei baqylaýynda.
Aimaq basshysy búgin shahardaǵy Bekzat Sattarhanov dańǵylynyń boiynda salynyp jatqan jelilik saiabaqtaǵy jumys barysyn tekserdi. Jasyl jelekke oranǵan jelilik baqta demalys aýmaqtary men salt-dástúrdi dáripteitin sáýlet úlgileri ornatylǵan.
Qalaǵa kórik bergen «Parasat» saiabaǵy da erekshe kelbetimen saialy baqqa ainalyp keledi. Qaita jańartý jumystary aiasynda demalys ornynda jasandy kól men kópirler jáne 420 metr tasaryq salynýda.
Nátijesinde saiabaq sýmen qamtylyp, qaita «Arys-Túrkistan» kanalyna jiberiledi.
Al, «Túrkistan-Kentaý» baǵytyndaǵy joldyń eki shetindegi aryqtyń bir bóligi «Parasatty» sýmen qamtysa, ekinshi bóligi jol boiyndaǵy jasyl jelekti sýarady.
