Túrkistan oblysynda synyptasyn zirat mańyna aparyp, soqqyǵa jyqqan tórt jasóspirimge qatysty sot úkimi shyqty. Negizgi aiyptalýshy 7 jyl 6 aiǵa bas bostandyǵynan aiyrylsa, qalǵan úsheýine bas bostandyǵyn shekteý jazasy taǵaiyndaldy, dep habarlaidy ult.kz.
Is Túrkistan oblystyq kámeletke tolmaǵandardyń isteri jónindegi mamandandyrylǵan aýdanaralyq sotynda qaraldy. Úsh sottalýshy Qylmystyq kodekstiń "Buzaqylyq" baby boiynsha kináli dep tanyldy. Al negizgi aiyptalýshyǵa budan bólek "Densaýlyqqa qasaqana aýyr ziian keltirý" baby boiynsha da aiyp taǵyldy.
Qaiǵyly oqiǵa ótken jyldyń qarasha aiynda Túrkistan qalasynda bolǵan. Sot materialdaryna sáikes, jasóspirimder bolmashy sebeppen ózderimen birge oqityn 9-synyp oqýshylaryn zirat mańyna jinap, sapqa turǵyzǵan. Keiin olardyń árqaisysyna keýde tusynan judyryqpen soqqy jasaǵan. Negizgi aiyptalýshy jábirlenýshilerdiń birin qosymsha birneshe ret uryp, saldarynan jasóspirim oqiǵa ornynda kóz jumǵan.
Sot barysynda aiyptalýshylar kinálaryn tolyq moiyndap, ókinish bildirdi. Olar ózderine bas bostandyǵynan aiyrmaityn jaza taǵaiyndaýdy surady. Sondai-aq jábirlenýshilerdiń basym bóligi men olardyń zańdy ókilderi sottalýshylardy keshiretinderin aityp, qylmystyq isti toqtatýdy ótingen.
Sot sheshimimen negizgi aiyptalýshy 7 jyl 6 aiǵa bas bostandyǵynan aiyryldy. Qalǵan úsh jasóspirimge 1 jyl 4 ai merzimge bas bostandyǵyn shekteý jazasy kesildi.
Qaza bolǵan oqýshynyń aǵasy sottalýshylardyń birin keshirgenimen, qalǵan úsheýinen 30 million teńge moraldyq ótemaqy talap etti. Alaida sot olardyń zańdy ókilderiniń árqaisysynan 200 myń teńgeden moraldyq shyǵyn óndirý týraly sheshim shyǵardy.
Úkim ázirge zańdy kúshine engen joq.
