Túrkistan qalasyndaǵy «Kerýen-sarai» týristik kesheninde qazaq mýzykasynyń kórnekti ókili, Qazaqstannyń Halyq ártisi Shámshi Qaldaiaqovtyń shyǵarmashylyǵyna arnalǵan «Shámshi ánderi» óner festivali ótti, dep habarlaidy ult.kz.
Festivaldi tamashalaýǵa 10 000-ǵa jýyq kórermen jinaldy. Is-sharaǵa Túrkistan oblysynyń ákimi Nuralhan Kósherov, ziialy qaýym ókilderi, mádeniet jáne óner qairatkerleri, óńir turǵyndary men qala qonaqtary qatysty.
Festival aiasynda Qazaqstannyń tanymal estrada ánshileri men jas oryndaýshylar qazaq án óneriniń altyn qoryna engen Shámshi Qaldaiaqovtyń keńinen tanymal ánderin oryndady. Kontserttik baǵdarlamaǵa «Jigitter» kvarteti, «Melomen», «Turan Boys» toptary, sondai-aq Móldir Áýelbekova, Marjan Arapbaeva, Altynai Jorabaeva jáne ózge de ónerpazdar qatysty. Sonymen qatar, Sh. Qaldaiaqov atyndaǵy oblystyq filarmoniianyń shyǵarmashylyq ujymy da óner kórsetip, kórermenderdiń ystyq yqylasyna bólendi.
Festival ulttyq mádenietti dáripteýge, kompozitordyń shyǵarmashylyq murasyn keńinen nasihattaýǵa jáne otandyq estrada óneriniń sabaqtastyǵyn damytýǵa baǵyttalǵan osy jazdyń mańyzdy mádeni sharasyna ainaldy.
Is-shara sońynda ónersúier qaýym Shámshi Qaldaiaqovtyń ánderin oryndaýshylarmen birge shyrqap, kompozitordyń shyǵarmashylyǵyna zor qurmet kórsetti.
