Túrkistan oblysynda jergilikti ákimdik pen qarjy uiymdary tarapynan shaǵyn jáne orta kásipkerlikti damytýǵa qoldaý kórsetilýde. Osy memlekettik qoldaýlar nátijesinde óńirde kásipkerlikke bet burǵandar sany artyp keledi. Solardyń biri — Turǵanbai Ahmetov. Túrkistan qalasynyń turǵyny «Yrys» mikroqarjynan «Nátijeli jumyspen qamtý jáne jappai kásipkerlikti damytý» baǵdarlamasy aiasynda 6 paiyzben 10 mln. teńge jeńildetilgen nesiege qol jetkizgen.
Osy qarjyǵa birneshe qurylǵy satyp alyp, «Datqa» dep atalatyn jeke kásipornyn ashqan. Qazirgi tańda kásipker turmystyq qatty qaldyqtardy óńdep, polietilen jáne plastikalyq qubyrǵa qajetti shikizat óndirýde. Osy kásibi arqyly ol 11 adamdy jumyspen qamtyp otyr. Aldaǵy ýaqytta kardon qaǵazdaryn óńdeýdi qolǵa almaqshy.
Túrkistan qalasynyń taǵy bir turǵyny Jandar Islambek «Yrys» mikroqarjy uiymynyń «Jas kásipker» baǵdarlamasy boiynsha 2 mln. teńge nesie aldy. Búginde jas kásipker avtokólik mai súzgileriniń 286 túrin óndirýde. Osy kásibi arqyly 8 adamdy jumyspen qamtyp, aiyna 20 myń dana súzgi shyǵarýda. Bul súzgiler Túrkistan oblysy men Shymkent qalasyna satylymǵa shyǵarylǵan. Tutynýshylary barshylyq.
Túrkistan oblysynda shaǵyn jáne orta biznesti damytý baǵytynda qurylǵan «YRYS» mikroqarjy uiymy jyl basynan beri jalpy somasy 4 387,7 mln.teńgeni quraityn 1228 jobany qarjylandyrdy. Júzege asqan jobalar sheńberinde 1300-den astam jańa jumys orny ashyldy. Qarjylandyrylǵan jobalardyń 31,9% mal sharýashylyǵyn damytýǵa baǵyttalǵan. Naqtyraq aitsaq, 371 jobaǵa nesie bólgen. Al, kóktemgi egistik jumystary boiynsha 766 joba, jylyjai sharýashylyǵy boiynsha 15 jobaǵa qoldaý kórsetilgen. Óndiris, qus sharýashylyǵy, qyzmet kórsetý jáne ózge de salalarǵa qarjylai qoldaý jasaldy.
«Yrys» mikroqarjy uiymy shylǵan sátten bastap 17367 jobany qoldap, 16 myńnan astam jańa jumys orynyn ashylýyna yqpal etti. «Jas kásipker» baǵdarlamasy sheńberinde 18 ben 29 jas aralyǵyndaǵy isker jastarǵa 20 mln. teńge nesie berilgen. Sonymen birge, «Yrys» mikroqarjy uiymy fermerlerge aldyn-ala tólemsiz qarjy lizingin berip, «Yrys-Órkendeý» dep baǵdarlamasy boiynsha kásipkerlerge aýylsharýashylyq tehnikasyn jáne aýylsharýashylyq tehnikasyn satyp alýǵa qoldaý kórsetýde.
