Túrkistandyqtar jasyl jelektiń jaiqalýyna otbasymen úles qosýda. Búgin qalada turǵyndar senbilikke shyǵyp, aǵash otyrǵyzdy.
Naýqanǵa qala ákimi Nurbol Turashbekov jáne de ardagerler keńesiniń músheleri de qatysty.
Urpaqtar sabaqtastyǵyn nyǵaitý, qorshaǵan ortany qorǵaýda ujymdyq jaýapkershilik qalyptastyrý, turǵyndardy aǵash egýge jumyldyrý arqyly tabiǵatty qorǵaýǵa yntalandyrý, jas urpaq arasynda salaýatty ómir saltyn nasihattaý maqsatynda uiymdastyrylǵan sharaǵa túrkistandyq turǵyndar belsendilikpen atsalysýda.
Eko-aktsiia aiasynda «Iassy», «Otyrar», 1,2 móltek aýdandarynda, «Densaýlyq» saiabaǵynda, Kentaý tas jolynda jáne balabaqsha, mektep aýlalarynda 57732 túp qaraǵash, úieńki, tuia, órik, qaraǵai kóshetteri otyrǵyzyldy.
Oblys ortalyǵynda aktsiia aiasynda alty sektorda aǵashtar otyrǵyzý josparlanǵan edi. Atap aitsaq, Turan aýyly, Baraq sultan kóshesi boiyndaǵy balalar oiyn alańshasy, Oralman aýyly, I.Qojabaev kóshesi men T.Bokin kóshesindegi eki qabatty úilerdiń aýlasy, Otarbaev kóshesi, Orynbetov kóshesi, Túrkistan qalalyq balalar aýrýhanasy, «Aq jaiyq» mýzykalyq mektebi, Túrkistan qalasy №1 qalalyq emhanasy men «Densaýlyq» saiabaǵy, Oqýshylar saraiy, A. Baitursynov atyndaǵy №1 mektep litseii, «Otyrar» shaǵynaýdanyndaǵy kópqabatty úiler aýlasynda jáne basqa da aýmaqtarda aǵash egý jumystary uiymdastyrylýda.
«Byltyr bastaý alǵan aktsiia urpaqtar sabaqtastyǵyn nyǵaitý, qorshaǵan ortany qorǵaýda ujymdyq jaýapkershilik qalyptastyrý, turǵyndardy tabiǵatty qorǵaýǵa yntalandyrýǵa serpin berdi. Aktsiia jas urpaq arasynda salaýatty ómir salty men erik-jigerdi shyńdaý maqsatynda biyl da uiymdastyrylýda», – deidi sharany uiymdastyrýshylar.
Eske sala keteiik, shahardy kórkeitý jáne kógaldandyrý baǵytynda uiymdastyrylǵan aktsiia 25 qarashaǵa deiin jalǵasady.
