Túrkistan oblystyq máslihatynyń kezekten tys on segizinshi sessiiasy ótti, dep habarlaidy «Ult aqparat» oblys ákimdiginiń baspasóz qyzmetine silteme jasap.
Jetinshi shaqyrylymdaǵy oblystyq máslihattyń kezekten tys on segizinshi sessiiasynyń jumysyna oblys ákimi Darhan Satybaldy, oblys ákimdiginiń músheleri, oblystyq basqarma basshylary, sondai-aq buqaralyq aqparat quraldarynyń ókilderi qatysty. Sessiia jumysyn oblystyq máslihat hatshysy Q.Balabiev júrgizdi.
Sessiia jumysynda keler jyldyń oblystyq biýdjetine ózgerister engizý, memlekettik-jekeshelik áriptestik jobalary boiynsha memlekettik mindettemelerdi qabyldaý týraly ózgerister engizý, Túrkistan oblysy ákimdiginiń derbes quramyndaǵy ózgeristerdi kelisý týraly jáne basqa birqatar mańyzdy máseleler qaraldy.
Sessiiada biýdjet máselesi boiynsha oblystyq strategiia jáne ekonomikalyq damý basqarmasynyń basshysy Qanat Qaiypbek baiandama jasady. Sondai-aq, kadrlyq ózgeristerge bailanysty Túrkistan oblysy ákimdiginiń derbes quramyndaǵy ózgeristerge kelisim berilip, birqatar komissiialardyń quramyna ózgerister engizildi. Jalpy, sessiia jumysynda máslihat depýtattary kún tártibine engizilgen máseleler boiynsha tiisti sheshimder qabyldady.
Óz kezeginde oblys ákimi Darhan Satybaldy sessiia jumysyn qorytyndylai otyryp, máslihat jumysyna tabystar tiledi.
«Búgin biraz áleýmettik-ekonomikalyq baǵyttaǵy máseleler qaraldy. Olardyń barlyǵy oblymysyzdyń damýyna oń ózgeris ákeledi, dep senemiz. Oblysqa túsetin paidanyń balansyn ózgertýge kúsh salynady. Oblys 90 paiyzǵa respýblikalyq trasfertke táýeldi. Onyń ózinde onyń jartysy qysqardy. Bul baǵytta jumystar júrgizilip jatyr. Biz tabys kózin kóbeitý kerekpiz. Sonda ǵana ekonomikadaǵy turaqtylyq kúsheiedi. Halyqtyń ómir súrý deńgeii artady. Sizderdi de osy baǵyttaǵy jumystarǵa atsalysýǵa shaqyramyn. Birer kúnnen soń elimizde eleýli oqiǵa – Qazaqstan Respýblikasy Prezidentiniń kezekten tys sailaýy ótkeli jatyr. Elimizdiń jarqyn bolashaǵy úshin óz tańdaýymyzdy jasap, belsendi qatysýǵa shaqyramyn», - dedi Darhan Satybaldy.
