Halyqaralyq «Voice of Turan» qazaq ánderi baiqaýy bastaldy. Ashylý saltanatyna TÚRKSOI halyqaralyq uiymynyń bas hatshysy Sultan Raev, Túrkistan oblysy ákiminiń orynbasary Sáken Qalqamanov, elimizdiń tanymal juldyzdary men ziialy qaýym ókilderi, qala qonaqtary men turǵyndary qatysty.
«Kieli Túrkistanda Turan únin asqaqtatatyn halyqaralyq baiqaý ótip jatyr. Birinshiden TÚRKSOI halyqaralyq uiymynyń atynan shyn júrekten festivaldiń ashylýymen quttyqtaimyn jáne barlyq qatysýshyǵa sáttilik tileimin! Túrkistan túrki dúniesiniń, túrki mádenietiniń rýhani ordasy. Búgingi festival Uly dalanyń, ata-babalarymyzdyń qanynda bar án-jyrdyń merekesi. Osynaý merekede Qazaq eliniń Túrkistan sahnasynda shetel ánshileri de án salady. Sondyqtan búgingi kesh barshamyzǵa zor demalys syilaidy dep senemin», – dedi Sýltan Raev.
Osyndai halyqaralyq baiqaýdyń kieli shaharda ótýi de zańdy. Óitkeni atalmysh festival Qazaq mýzykasy men qazaqstandyq kompozitorlardyń úzdik shyǵarmalaryn, sondai-aq qazaq ánderin álemge nasihattaý, shyǵarmashyl, daryndy jastardy anyqtaý jáne olarǵa qoldaý kórsetý, halyqaralyq bailanys pen ózara yntymaqtastyqty nyǵaitý, rýhani ári mádeni qundylyqtar almasý, Túrkistannyń týristik áleýetin arttyrý syndy úlken maqsat qoiǵan.
Ashylý saltanatynda Túrkiia, Ózbekstan, Qyrǵyzstan, Tatarstan, Ázirbaijan, Polsha, Chernogoriia, Belarýs, Moldova, Grýziia, Serbiia, Qarashai-Sherkes respýblikasy, Býriatiia, Makedoniia, Bolgariia memleketterinen kelgen qatysýshylar elimizge tanymal estrada ánshilerimen birge qazaq ánderin shyrqady. Olardyń qatarynda Tólegen Muhamedjanov, Nurjamal Úsenbaeva, Medeý Arynbaev, Aigúl Qosanova, Marjan Arapbaeva, Janar Duǵalova, «Melomen» toby, Rýhiia Baidýkenova syndy mádeniet maitalmandary men óner juldyzdary bar.
Halyqaralyq baiqaý búgin de jalǵasady. Qatysýshylar eki kezeńde de qazaq ánderin shyrqaityn bolady. Oǵan shyǵarmashylyq intelligentsiia ókilderi, tanymal oryndaýshylar, kompozitorlar, prodiýserlerden quralǵan kásibi qazylar alqasy tórelik etedi. Jeńimpazdar Gran-pri, Birinshi, ekinshi jáne úshinshi dárejeli laýreat, sonymen qatar túrli nominatsiia boiynsha arnaiy diplommen jáne qarjylai syilyqtarmen marapattalatyn bolady.
Aita keteiik, buǵan deiin atalmysh baiqaý 2 ret onlain túrde ótken bolatyn. 2020 jyly Maldova respýblikasynan Galina Shkoda bas júldeni jeńip alsa, 2021 jyly Býriatiialyq Tsyden Eshi Bimbaev Gran-pri iegeri atanǵan. Halyqaralyq án saiynyń nátijesinde 4 eldiń úzdik ánshilerinen qurylǵan «Turan Boys» kvarteti búginde qazaq ánderin nasihattaýda zor úles qosyp júr.Mádeni-mýzykalyq jańalyq sanalatyn Halyqaralyq «Voice of Turan – 2022» qazaq ánderi baiqaýyn 25 qazan - Respýblika kúnine orai Túrkistan oblysy ákimdigi men Oblystyq mádeniet basqarmasy uiymdastyrǵan.
