sýret ashyq derekkózden alyndy
Túrkistandyq politseiler joǵalǵan 5 synyp oqýshysyn izdestirý boiynsha jańa aqparat aldy, dep habarlaidy IIM Telegram-arnasy.
Eske salaiyq, jergilikti turǵyn Politsiia basqarmasyna aryzdanyp, kámelet jasyna tolmaǵan qyzynyń 25 naýryzda saǵat 17:00 shamasynda úiinen oinaýǵa shyǵyp ketip, qaita oralmaǵanyn jetkizgen edi.
"Áieldiń aryzy birden tirkelip, PD bastyǵynyń tikelei tapsyrmasymen iz-tússiz joǵalǵan qyzdy tabýǵa jeke quram jumyldyryldy.
Politsiia birneshe kúnnen beri, kúndiz-túni Injý Eskermesti izdep jatyr. Kómekke qala turǵyndary, eriktiler, bilim oshaqtarynyń ujymy qosylyp, qyzmettik itter, drondar qoldanyldy" - delingen habarlamada.
Jedel basqarý ortalyǵyna qosylǵan beinejazbalardy zerdeleý barysynda Injýdiń aýlada oinaǵany, odan soń jol boiymen belgisiz baǵytta ketip bara jatqany anyqtalǵan.
"Injýmen birge oinaǵan kórshi qyzben birneshe ret tildesý arqyly, ekeýiniń birge sý aǵyp jatqan kanalǵa barǵany, Injý sýmen oinaǵysy kelip, abaisyzda kanalǵa qulap ketip, shyǵa almai qalǵany belgili boldy.
Qazir politseiler osy baǵyt boiynsha qaita jospar quryp, izdeý jumystaryna TJ qyzmetkerlerin shaqyrdy. Izdeý jalǵasyp jatyr" - deidi politsiia ókilderi.
