سۋرەت اشىق دەرەككٶزدەن الىندى
تٷركٸستاندىق پوليتسەيلەر جوعالعان 5 سىنىپ وقۋشىسىن ٸزدەستٸرۋ بويىنشا جاڭا اقپارات الدى, دەپ حابارلايدى ٸٸم Telegram-ارناسى.
ەسكە سالايىق, جەرگٸلٸكتٸ تۇرعىن پوليتسييا باسقارماسىنا ارىزدانىپ, كەمەلەت جاسىنا تولماعان قىزىنىڭ 25 ناۋرىزدا ساعات 17:00 شاماسىندا ٷيٸنەن ويناۋعا شىعىپ كەتٸپ, قايتا ورالماعانىن جەتكٸزگەن ەدٸ.
"ەيەلدٸڭ ارىزى بٸردەن تٸركەلٸپ, پد باستىعىنىڭ تٸكەلەي تاپسىرماسىمەن ٸز-تٷسسٸز جوعالعان قىزدى تابۋعا جەكە قۇرام جۇمىلدىرىلدى.
پوليتسييا بٸرنەشە كٷننەن بەرٸ, كٷندٸز-تٷنٸ ٸنجۋ ەسكەرمەستٸ ٸزدەپ جاتىر. كٶمەككە قالا تۇرعىندارى, ەرٸكتٸلەر, بٸلٸم وشاقتارىنىڭ ۇجىمى قوسىلىپ, قىزمەتتٸك يتتەر, دروندار قولدانىلدى" - دەلٸنگەن حابارلامادا.
جەدەل باسقارۋ ورتالىعىنا قوسىلعان بەينەجازبالاردى زەردەلەۋ بارىسىندا ٸنجۋدٸڭ اۋلادا ويناعانى, ودان سوڭ جول بويىمەن بەلگٸسٸز باعىتتا كەتٸپ بارا جاتقانى انىقتالعان.
"ٸنجۋمەن بٸرگە ويناعان كٶرشٸ قىزبەن بٸرنەشە رەت تٸلدەسۋ ارقىلى, ەكەۋٸنٸڭ بٸرگە سۋ اعىپ جاتقان كانالعا بارعانى, ٸنجۋ سۋمەن ويناعىسى كەلٸپ, ابايسىزدا كانالعا قۇلاپ كەتٸپ, شىعا الماي قالعانى بەلگٸلٸ بولدى.
قازٸر پوليتسەيلەر وسى باعىت بويىنشا قايتا جوسپار قۇرىپ, ٸزدەۋ جۇمىستارىنا تج قىزمەتكەرلەرٸن شاقىردى. ٸزدەۋ جالعاسىپ جاتىر" - دەيدٸ پوليتسييا ٶكٸلدەرٸ.
