Túrkistan oblysynyń ulttyq sport túrleri mektebiniń ujymy jýyrda Túrkiianyń Iznik qalasynda ótken IV-shi Dúniejúzilik kóshpendiler oiynynan oralǵan jeńimpaz túrkistandyq órenderge qurmet kórsetti, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Jiynda sonymen qatar halyqaralyq dodalar men Álem Kýboginde júlde alǵan sportshylar da marapattan shet qalmady.
Kókpardan Qazaqstan ulttyq quramasy 4-shi Dúniejúzilik kóshpendiler oiynynda bas júldeni ilengen bolatyn. Otandastarymyzdy jeńiske bastaǵan bul dodanyń aqtyq synynda Qyrǵyzstan quramasymen jaýapty kezdesý barysynda Túrkistan oblysynyń talantty kókparshysy Ádilet Mamyt eki birdei salym tastap, qazaqstandyq shabandozdardy alǵa súiredi. Elimizdiń eń tańdaýly kókparshylary quramasynda oblysymyzdyń tórt sportshysy Arman Jamalbekov pen Abylaihan Nyshanbekov, Dáýlet Aitan pen Ádilet Mamyt óner kórsetip, el namysyn qorǵady. Ár tórt jyl saiyn ótetin Dúniejúzilik kóshpendiler oiynynda túrkistandyq ataqty shabandoz Ádilet Mamyt óziniń myqtylyǵyn kórsetip, quramadaǵy jigitterdi jeńiske bastady. Jiynda Túrkistan oblysynyń ulttyq sport mektebiniń basshysy Ǵani Ahmetbaev jeńimpaz shákirtterdi iri jetistikterimen quttyqtap, qurmet kórsetti.
Basqosýda daryndy toǵyzqumalaqshylar – Arýjan Salman men Aqbota Namaz, jamby atýdan túrik stili men nysana kózdeýden kúmis jáne qola júlde ielengen Aikóz Eralhan da marapattaldy. Jaqynda ǵana Rýminiiada Álem kýbogynda túrkistandyqtar Arýjan Salman men Aqbota Namaz toǵyzqumalaqtan júlde jeńip aldy.
Marapattaý halyqaralyq jarystarda asyq atýdan Álem kýbogyn ielengen Almas Qarabaev, qazaq kúresinen kúmis júldeger Bólegen Erkinbek te marapattaldy.
