Túrkistan oblysynda quny 42,541 mlrd. teńgeni jáne 3023 jumys ornyn quraityn barlyǵy 60 joba ornalasqan.
2023 jyldyń 1-jartysynda «Turkistan» indýstrialdy aimaǵynda ornalasqan braýnfild óndiristik ǵimaratynda ISIKLAR HOLDING A.S. óndiris ornyn ornalastyrý (qurylys materialdaryna arnalǵan qaptama shyǵarý) boiynsha kelissózder júrgizilýde. Óńirdegi investitsiialyq ahýal týraly Túrkistan oblysynyń ákimi Darhan Satybaldyǵa baiandaldy.
Sairam aýdanynynda jańa indýstrialdy aimaǵyn qurý boiynsha jer kólemin anyqtap, infraqurylym júrgizý máselesi talqylandy. Sondai-aq «Badam» indýstrialdy aimaǵynyń kólemi úlkeitilmek. Túlkibas, Shardara jáne Báidibek indýstrialdy aimaqtaryn agro-indýstriialdy aimaq retinde iske asyrý jáne óńirimizde agro-ónerkásip salasyn damytý josparlanyp, Túrkistan oblysy ákimdigine Basqarýshy kompaniia tarapynan agro-indýstrialdy aimaq qurý týraly usynys engizilgen.
Indýstrialdy aimaqtardyń qatysýshylary – «Grand Miks» JShS-i (joba quny – 2,47 mlrd.tg), jihaz óndiris kásiporny, «CG Food Central Asia» JShS-i (joba quny – 1,1 mlrd.tg.) daiyn taǵam ónimderin óndirýshi kásiporny. Indýstrialdy aimaqtardy damytý barysynda aýqymdy is-sharalar uiymdastyrylýda. Oǵan dálel, 2022 jyly quny 8,205 mlrd. tg. jáne 640 jańa jumys ornymen qamtamasyz etetin 8 investitsiialyq jobany tartý kózdelgen.
Jyl sońyna deiin temir beton buiymdarynyń óndirisi men keramzitti kirpish óndirý jobasy iske asyrylady.
