Búgin QR Aqparat jáne qoǵamdyq damý ministri Darhan Qydyráli Túrkistan qalasynda Qazaqstan musylmandary dini basqarmasy janyndaǵy Ǵulamalar keńesiniń HHXV májilisine qatysty. Bul týraly Túrkistan oblysynyń Óńirlik kommýnikatsiialar qyzmeti habarlady.
Basqosýda Bas múfti Naýryzbai qajy Taǵanuly Darhan Qýandyqulyna Ǵulamalar keńesiniń jumysy jaily baiandady.
«Biz jyl basynan beri sizderdiń qoldaýlaryńyzben tarihi bastamalardy júzege asyryp kelemiz. Atap aitqanda, Qazaqstan musylmandary dini basqarmasy janynan Aqsaqaldar keńesin qurdyq. Birneshe oblysta aimaqtyq aqsaqaldar forýmyn ótkizdik. Aǵartý salasy boiynsha birneshe kitaptar oqyrmanǵa jol tartty. Biylǵy «Islam – yntymaq pen birlik dini» jyly aiasynda ártúrli formatta forým ótkizdik. Qazaqstan musylmandary dini basqarmasy janynan Sarapshylar keńesin qurdyq. Bul bastama memleket jáne qoǵam tarapynan úlken qoldaýǵa ie bolýda», – dedi Bas múfti.
Darhan Qydyráli búgingi tańda múftiiat qoǵamda bedeldi, yqpaldy, irgeli qurylymǵa ainalǵanyn atap ótti. Sonymen qatar Dini basqarma halyqty birlik pen igilikke úndeýde úlken is-sharalar atqaryp kele jatqanyn tilge tiek etti.
Ministr óz sózinde jastardy destrýktivti dini aǵymdardyń yqpalynan saqtandyrý, bilimdi, tájiribeli dini mamandardy daiarlaý, medrese-kolledjderdiń oqý baǵdarlamasyn, tehnikalyq bazasyn jetildirý, shákirtterge sheshendik ónerdi, din psihologiiasyn úiretý, aqparattyq baǵyttaǵy jumystardy jandandyrý t.b. máselelerge nazar aýdardy.
Aita ketsek, Ǵulamalar keńesiniń kezekti májilisinde «Zeinetaqy qory jinaǵynan zeket berý úkimi», «Máiittiń denesin tilýdiń úkimi», «Siýtsaidyń shariǵi úkimi», «Dárigerdiń nusqaýynsyz tramadoldy qoldanýdyń úkimi», «Qan donorlyǵynyń úkimi», t.b. pátýalardyń mátini talqylandy.
Basqosýda budan bólek «Ulttyq qundylyqtardy nasihattaýdaǵy QMDB róli», «Babalar izimen: Qazaqstandaǵy musylmandyq mektep», «Islam entsiklopediiasy» eńbekteri men qujattardyń mazmuny qaraldy.
