Búgin «AMANAT» partiiasy Túrkistan oblystyq filialynyń kezekten tys konferentsiiasy ótti, dep habarlaidy «Ult aqparat» oblys ákimdiginiń baspasóz qyzmetine silteme jasap.
Is-sharaǵa partiia Tóraǵasy Erlan Qoshanov, óńirlik saiasi keńes músheleri, máslihattardaǵy «AMANAT» depýtattyq fraktsiiasynyń músheleri, bastaýysh partiia uiymdarynyń basshylary, oblystyq partiia aktivi qatysty. Jiyndy óńirlik filialdyń atqarýshy hatshysynyń mindetin atqarýshy Qalyima Jantóreeva moderatorlyq etip júrgizip otyrdy.
Konferentsiia jumysyn asha otyryp, «AMANAT»-tyń Tóraǵasy aldaǵy sailaý naýqany kezeńindegi partiialyqtardyń aldynda turǵan birqatar basym mindetterdi aiqyndap berdi.
«Ótken Prezidenttik sailaý kezinde bizge halyqtan 51 myń usynys pen tilek kelip tústi. Sonyń 3 myńnan astamy Túrkistan oblysynyń halqynan jinaldy. Turǵyndardy jalaqynyń tómendigi, turǵyn-úi máselesi, jumyssyzdyq qatty alańdatady. Sondyqtan atalǵan máseleler sailaýaldy tuǵyrnamada kórinis tabýy kerek», – dedi partiia Tóraǵasy.
Partiia Tóraǵasy barlyq deńgeidegi máslihat depýtattaryn, bastaýysh partiia uiymdary men qoǵamdyq qabyldaý bólmelerin azamattardyń máselelerin sheshý úshin jumyldyrý mańyzdy ekenin atap ótti.
«Biz óz sailaýshylarymyzben jáne jaqtastarymyzben árdaiym tyǵyz bailanysta bolýymyz kerek. «AMANAT» partiiasy – el Prezidentiniń qoǵamdyq tiregi. Onyń óńirlik jelileri de, Májilistegi jáne barlyq deńgeidegi máslihattardaǵy depýtattar sany da kóp. Amanattyqtar árqashan aldyńǵy qatardan tabylady», – dedi Erlan Qoshanov.
Ol Ekibastuzdaǵy tótenshe jaǵdai kezinde volonterler men partiia belsendileri alǵashqy kúnnen bastap qala turǵyndaryna gýmanitarlyq kómekti taratýǵa atsalysqanyn atap ótti. Turǵyndarǵa jylytqyshtar, jyly kórpeler jáne birinshi kezekte qajetti zattar tabystaldy. Ekibastuzdyqtarǵa kómek kórsetý jumysy jalǵasyp jatyr.
«Zardap shekken otbasylardyń baspanalarynda jóndeý jumystary bastalady. Osy kezde Ekibastuzdaǵy balalardy elimizdegi, sonyń ishinde Túrkistan oblysyndaǵy shipajailarǵa jiberýge de bolady dep sanaimyn. «AMANAT» partiiasy 1300-den astam oqýshynyń qysqy kanikýl ýaqytynda eldegi demalys keshenderine barýyna jaǵdai jasaidy», – dedi Erlan Qoshanov.
Ol sondai-aq, partiialyqtar jastarmen jumys isteýge erekshe nazar aýdarýy tiis ekenin atap ótti. Jastar qataryna kiretin azamattardyń jasyn 35 jasqa deiin ulǵaitýdy kózdeitin jastar saiasaty týraly jańa zań jobasyn eskere otyryp, budan bylai sailaýshylardyń 40%-dan astamy osy sanatqa jatatyn bolady.
Sonymen qatar, aimaqtardaǵy amanattyqtar turǵyndardyń áleýmettik-ekonomikalyq ál-aýqatyn jaqsartýǵa baǵyttalǵan partiialyq jobalardy iske asyrý jumysyn kúsheitýi tiis. Olardyń qatarynda «Jer amanaty», «Aýyl amanaty» jáne t.b. jobalar bar.
Konferentsiia barysynda filialdyń jańa tóraǵasy sailandy.
Osylaisha, konferentsiia jumysyna qatysqan delegattar ashyq daýys berý arqyly Altynsary Úmbetálievti «AMANAT» partiiasy Túrkistan oblystyq filialynyń jańa basshysy retinde sailady. Ol buǵan deiin Shymkent ýniversitetiniń «Ekonomika» kafedrasynyń professory qyzmetin atqardy. Sondai-aq, ol ekonomika ǵylymdarynyń doktory.
