Túrkistanda otbasylyq janjaldan keiin er adam 54 jastaǵy áielin pyshaqtap óltirdi, dep habarlaidy ult.kz.
Kriminalnyi Kazahstan dereginshe, aýyr jaraqat alǵan áieldi onyń kishi uly birinshi bolyp baiqaǵan. Anasynyń daýysyn estigen jigit bólmeden shyǵyp, ony qanǵa boialǵan kúide kórgen. Ol birden jedel járdem shaqyrǵan. Alaida dárigerler áieldiń ómirin saqtap qala almady. Ol jansaqtaý bóliminde kóz jumǵan.
Marqumnyń kúieýimen birge shamamen 25 jyl turǵany jáne erli-zaiyptylardyń tórt bala tárbielegeni belgili. Qaiǵyly jaǵdaiǵa naqty ne sebep bolǵany ázirge belgisiz.
Jergilikti turǵyndardyń sózinshe, oqiǵadan keiin áieldiń kúieýi de ózine jaraqat salyp, óz-ózine qol jumsamaq bolǵan. Er adam aýrýhanaǵa jetkizilgen.
