Foto: TOÁBQ
Túrkistan oblysynda elimizdegi eń úlken jylyjai kesheni salynyp jatyr. Bul jobaǵa 524 mlrd. teńge kólemindegi investitsiia tartylǵan. Endi keshen óz jumysyn bastasa 7 myń adam jumyspen qamtylmaq, dep habarlaidy «Ult aqparat».
Túrkistan oblysy, Keles aýdanynda elimizdegi eń úlken jylyjai kesheni salynyp jatyr. Aýmaǵy 500 gektardan asatyn orynda jylyna 240 myń tonna kókónis ósirilmek. Investorlar qazir jobanyń alǵashqy kezeńiniń júzege asyp jatqandyǵyn aitty.
Aleksandr Rýdakov, «Eko-kýltýra» holdinginiń prezidenti: «Keles aýdanyndaǵy jobamyz aldaǵy aqpan aiynda iske qosyla bastaidy. Jumysshylardy qabyldap, barlyq áleýmettik qoldaý kórsetemiz. 2025 jyldyń aiaǵynda qurylys tolyq aiaqtalyp, aýqymdy jumysty bastaimyz. Biz bailyqqa kenelý úshin emes, investitsiia quiyp, jumys oryndaryn barynsha ashý úshin keldik. Ony oryndaýǵa kúsh salamyz. Jańa ideiarańyz, tyń jobalaryńyz úshin alǵys aitamyz».
524 mlrd. teńge kólemindegi investitsiia tartylǵan joba iske qosylsa 7 myń adam jumyspen qamtylady. Óńir basshysy Darhan Satybaldy jaýapty investorlarmen agro saladaǵy máselelerdi talqylady.
Darhan Satybaldy, Túrkistan oblysynyń ákimi: «Turǵyndarymyzdy jergilikti ónimmen qamtyp, jumys oryndaryn kóptep ashý – bizdiń basty maqsatymyz. Biz óz tarapymyzdan ónimdi saqtaýdy, qaita óńdeýdi júzege asyra alamyz. Sizderdiń suranystaryńyzǵa sai ózimizdiń sharýalar daiyn ónimin usyna alady. Aýyl sharýashylyǵy salasynda kósh bastap keletin bizdiń oblysta osy salany barynsha damytýǵa múddelimiz. Biz úshin árqaisyńyz bizdiń óńirge paidasy bar óz biznesin tapqany mańyzdy».
Talqylaý qorytyndysy boiynsha taraptar aitylǵan barlyq usynystar men pikirlerdiń pysyqtalatynyn atap ótti. Aita ketsek, Túrkistan oblysynda respýblikadaǵy jylyjailardyń 71 paiyzy ornalasqan.
