Túrkistan oblysyna investitsiia tartý maqsatynda aýqymdy jobalar iske asyrylýda. Olardyń biri – «Ógem ózeninde sý elektr stantsiialary kaskady».
Bul joba boiynsha oblysqa 293,3 mlrd. teńge jeke investitsiia tartylatyn bolady. Jobanyń boljamdy quny 722,8 mlrd. teńgeni quraidy. Qurylys 2024-2026 jyldary júzege asyrylady. Nátijesinde 110 mln.m3 taza sý alynyp, Túrkistan oblysynyń ońtústigindegi 1 mln. halqyn aýyz sýmen qamtamasyz etý máselesi túbegeili sheshiledi. Joba boiynsha máselelerdi talqylaý úshin Túrkistan oblysynyń ákimi Darhan Satybaldy «Saýts-Oil» JShS-niń prezidenti Serikjan Seiitjanov pen «Power China» korporatsiiasynyń bas ókili Ksiaolin Ianmen kezdesti.
Basqosýda jańa jobanyń qurylysyna qajetti jaryqpen qamtamasyz etý jáne jol máselesi talqylandy. Oblys basshysy investitsiialyq klimatqa oń yqpal etken iri kompaniia basshylaryna memleket tarapynan jan-jaqty kómektiń kórsetiletinin jetkizdi. Oblystyń ekonomikasyn damytýǵa baǵyttalǵan joba aiasynda infraqurylym damidy. Jumys orny ashylady.
«Biz úshin bul investitsiialyq jobalar óte mańyzdy. Óńirde kásiporyndar ashyp, jańa jobalardy júzege asyrýǵa basymdyq berilip otyr. Ákimdik tarapynan tolyq qoldaý kórsetiledi. Investitsiialyq jobalardy óz deńgeiinde júzege asyrýǵa bar kúshimizdi salamyz», – dedi Darhan Satybaldy.
Sonymen qatar otyrysta «Sastóbe innovatsiialyq kesheni» jobasy boiynsha ortaq máseleler taldandy. Bul baǵytta elektr jaryǵymen qamtý júiesiniń qurylysyn tezdetý máselesi kóterildi. «Sastóbe» himiialyq kesheni – birgei joba. Búginde Qazaqstanda oǵan uqsas zaýyt joq. Atalǵan jobany iske asyrý Qazaqstandaǵy himiia salasyn damytýǵa zor serpin beredi. Zaýytta himiia ónimderi, kaýstikalyq soda, PVH, kaltsii karbidi, tsement óndirý isi qolǵa alynady. Joba quny – 136,6 mlrd.teńge. 2024 jyldyń ekinshi jartysynda ashylatyn óndiris ornynda 1000 adam turaqty jumyspen qamtylady.
