Túrkistan oblysynyń ákimi Darhan Satybaldynyń tóraǵalyǵymen terrorizmge qarsy komissiiasynyń otyrysy ótkizildi. Oǵan aýdan, qala ákimderi, quqyq qorǵaý organdarynyń basshylary qatysty. Kún tártibinde birqatar másele qaraldy. Bul týraly oblys ákimdiginiń baspasóz qyzmeti habarlady.
Májiliste Oblystyq din isteri basqarmasynyń basshysy R.Sabyrjanuly, Adami áleýetti damytý basqarmasynyń basshysy D.Bolathanuly, Qoǵamdyq damý basqarmasynyń «Jastar resýrstyq ortalyǵy» KMM-niń direktory E.Tólebaevtar baiandama jasady.
Kún tártibinde oblys aýmaǵyndaǵy dini turaqtylyqty saqtaý jáne turǵyndar men jastar arasynda teris dini ideologiianyń taralýynyń aldyn alý jumystary saraptalyp, birqatar máseleler talqylandy.
Onyń ishinde jastardyń dini ekstremizm men terrorizmge qarsy immýnitetin qalyptastyrý jáne internet keńistikterdegi qaýipti aqparattyq materialdardan saqtandyrý, qarsy nasihattyq sharalardy kúsheitý baǵytynda sóz qozǵaldy. Oi-pikirler aitylyp, qatysýshy taraptar tájiribelerimen bólisip, aldaǵy ýaqytta atqarylatyn jumystar naqtylandy.
Otyrysty qorytyndylai kele Túrkistan oblysynyń ákimi Darhan Satybaldy tiisti memlekettik organdardyń basshylaryna birqatar naqty tapsyrma berdi. Sonyń ishinde, terrorizmge qarsy qaýipsizdik boiynsha halyqtyń saýattylyǵyn arttyratyn is-sharalardy jii uiymdastyryp turý, imamdardyń biliktiligin arttyrý, sondai-aq, bilim oryndarynda terrorizmge qarsy is-áreket boiynsha nasihat jumystaryn kúsheitýdi júktedi.
