Túrkistan oblysynda búgin 102 sábi týylyp, rekord ornady. Olardyń jartysynan astamy, iaǵni 57-si qyz bala.
Bul jóninde oblystyq qoǵamdyq densaýlyq basqarmasynan málim boldy, dep habarlaidy "Ult aqparat".
Mamandardyń aitýynsha, bul buryn - sońdy bolmaǵan jaǵdai. Óitkeni táýlik sońyna deiin bala sany taǵy da artpaq.
Túrkistan oblysynyń perzenthanalaryndaǵy áielder sailaýǵa qatysýda. Olar tańǵy 7-den bastap daýys bere bastady.
Aita keterligi, sailaý kúni Túrkistan oblysynda dúniege kelgen sábilerge eń kóp qoiylǵan esimder - Sailaý, Sailaýgúl, Nursultan, Qasym-Jomart eken. Túrkistandyqtar sábileriniń dúniege kelgendegi qýanyshyn Májilis pen máslihattar depýtattaryn sailaýmen bailanystyrýdy uiǵarǵan.
Sailaý Túrkistan oblysynyń barlyq perzenthanalarynda ótti. Sailaýǵa úsh júzden astam júkti jáne bosanǵan áielder qatysyp, azamattyq mindetine jaýapty ekenin tanytty.
Jalpy, Túrkistan oblysy boiynsha jylyna 100 myńǵa jýyq sábi dúniege keledi. Bul respýblika boiynsha eń úlken kórsetkish. Óńirde bir táýlik ishinde shamamen 50-60 náreste týylady.
