Túrkistan oblysynda jol apatyn jasap, 5 adamnyń ólimine sebepker bolǵan júrgizýshi sottaldy, dep habarlaidy "Ult aqparat".
Qazyǵurt aýdandyq sotynyń úkimimen aiyptalýshy 5 jylǵa bas bostandyǵynan aiyryldy. Sondai-aq 7 jylǵa kólik tizgindeý quqyǵy shekteldi.
«Jazasyn qylmystyq-atqarý júiesiniń qaýipsizdigi barynsha tómen mekemesinde óteitin bolady. Sondai-aq, sottalýshy tarapynan sot saraptamalaryn júrgizýge jumsalǵan 148 816 teńge jáne jábirlenýshilerge materialdyq jáne moraldyq shyǵyndar óndirilsin», - dedi sotta sýdia Ilias Toǵyzbaev.
Aita keteiik, atalǵan jol apaty ótken jyldyń 16 shildesinde Almaty-Termez tasjolynyń 781-shaqyrymynda boldy. Jol-kólik oqiǵasy saldarynan 5 adam qaza taýyp, taǵy 1 adam dene jaraqatyn aldy. Artynsha júrgizýshige qatysty QR QK-niń 345-baby 4-bóligimen is qozǵaldy. Sot barysynda júrgizýsh óziniń kinásin moiyndamaǵanymen, sot ony aqtaý týraly usynysty qanaǵattandyrýsyz qaldyrdy. Al, KamAZ avtokóliginiń júrgizýshisi ákimshilik jaýapkershilikke tartylyp, aiyppul salyndy.
