Túrkistan oblysy, Báidibek aýdanynda «Aibyndy jastar – jańa Qazaqstannyń tiregi» atty aktsiia is-sharasy ótti, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Atalmysh is-sharaǵa aýdan ákiminiń orynbasary Berik Turlybekov qatysyp, ásker qataryna jiberiletin azamattarǵa Otan aldyndaǵy boryshtaryn abyroimen atqaryp kelýlerine tilektestik bildirdi. Sondai-aq estelik retinde jazýshy Baǵdat Qalaýbaidyń kitabyn tartý etti.
Is-sharaǵa arnaiy qatysqan Túrkistan oblysynyń qorǵanys isteri jónindegi departamenti bastyǵynyń orynbasary, podpolkovnik Jandos Kúlderbaev is-sharanyń mańyzdylyǵyna toqtalyp, sarbazdarǵa sáttilik tiledi. Qorǵanys salasynyń damýyna úles qosyp otyrǵan birqatar úzdikterge departament bastyǵynyń alǵys hatyn tabys etti. Báidibek aýdandyq aýǵan soǵysy ardagerleriniń tóraǵasy jáne aýdandyq qorǵanys isteri jónindegi bóliminiń bastyǵy, podpolkovnik Nurjan Shúkirbekov te otanshyldyq týraly oi qozǵady.
Áskerge shaqyrylǵandar atynan sóz alǵan Ǵalamat Ǵalymuly Otan qorǵaý árbir er azamattyń mindeti ekenin aityp, áskerde jaqsy qyzmet etip, eldi qorǵaý jolynda qurdastaryn áskerge barýǵa shaqyrdy.
Is-sharada M.Áýezov atyndaǵy mekteptiń oqýshylary qarýdy jyldam shashyp, qaita quraý boiynsha sheberlikterin kórsetti.
Qazaqstan Respýblikasy Qarýly kúshteriniń 30 jyldyǵyna orai uiymdystarylǵan «Aibyndy jastar – jańa Qazaqstannyń tiregi» atty sharada aýdandyq mádeniet úiiniń ónerpazdary patriottyq ánderdi shyrqady.
