2022 jyldyń 11 aiynda oblystyń memlekettik organdarymen ákimshilik aiyppuldardy óndirý salasy boiynsha atqarylǵan jumystar Túrkistan oblysynyń ákimi Darhan Satybaldynyń tóraǵalyǵymen ótken oblys ákimdigi janyndaǵy sybailas jemqorlyqqa qarsy is-qimyl máseleleri jónindegi komissiiasy jáne Túrkistan oblysy ákimdigi janyndaǵy quqyq buzýshylyq profilaktikasy jónindegi vedomstvoaralyq komissiiasy otyrysynda talqylandy.
Komissiia otyrysyna Túrkistan oblysy prokýrorynyń orynbasary Nurǵali Jomart, QR Ulttyq Qaýipsizdik Komiteti Túrkistan oblysy boiynsha departamentiniń bastyǵy Ábilseiit Dúisebaev, QR Sybailas jemqorlyqqa qarsy is-qimyl agenttiginiń (Sybailas jemqorlyqqa qarsy qyzmet) Túrkistan oblysy boiynsha departamentiniń basshysy Qanat Qojahmetov, Túrkistan oblysy politsiia departamenti bastyǵynyń mindetin atqarýshy Baǵlanbek Aitpaev, Túrkistan oblysy tótenshe jaǵdailar departamentiniń bastyǵy Nurǵali Júnisov, Qazaqstan Respýblikasy Qarjy ministrligi Memlekettik kirister komitetiniń Túrkistan oblysy boiynsha memlekettik kirister departamentiniń basshysy Maqsat Nýrahaev, QR Memlekettik qyzmet isteri agenttigi Túrkistan oblysy boiynsha departamentiniń basshysy Orken Balajanov, Túrkistan oblysynyń ekonomikalyq tergep-tekserý departamentiniń basshysy Qairat Bektembaev, barlyq aýdan, qala ákimderi men basqarma basshylary qatysty.
Túrkistan oblysynyń ýəkiletti memlekettik organdarymen 11,1 mlrd. teńge ákimshilik aiyppul salynǵan, onyń 8,1 mlrd. teńgesi, iaǵni 73,2% óndirilgen. Aiyppuldardyń basym úlesi 6,9 mlrd. teńge nemese 62,2% ishki ister organdary jəne 1,5 mlrd. teńge nemese 14,1% memlekettik kirister organdarymen salynǵan.
«2022 jyldyń ótken kezeńi boiynsha ákimshilik aiyppuldardy óndirip alý boiynsha» sóz Qazaqstan Respýblikasy Bas prokýratýrasynyń quqyqtyq statistika jáne arnaiy esepke alý jónindegi komitetiniń Túrkistan oblysy boiynsha basqarmasynyń bastyǵy Órken Seiitov baiandady.
Jyl basynan beri salynǵan aiyppuldyń óndirilýiniń eń joǵarǵy kórsetkishi Sozaq (96,3%), Báidibek (80,8%) jáne Otyrar (78,3%) aýdandarynda. Komissiia otyrysynda Ákimshilik ister boiynsha aiyppuldardy óndirýdiń mańyzdylyǵy aityldy. 11 aida májbúrli túrde oryndatýǵa jalpy somasy 1,2mlrd.teńgeni quraityn 58 152 material joldanǵan.
Oblys ákimi Darhan Satybaldy aiyppuldardy óndirý boiynsha tiisti memlekettik organdarmen birlese otyryp naqty sharalar qabyldaýdy mindettedi. Májilis barysynda berilgen tapsyrmalar, aitylǵan kemshilikter men syn-eskertpeler hattamaǵa engizilip, nátijeli jumystardy atqarý mindeti júkteldi.
