2022 jylǵy 16 qarashada Qazaqstan Respýblikasy Ǵylym jáne joǵary bilim ministrliginiń uiymdastyrýymen Túrkistan qalasynda Ahmet Baitursynulynyń 150 jyldyq mereitoiyna arnalǵan Halyqaralyq túrkitanýshylar kongresi ótti, dep habarlaidy «Ult aqparat» oblys ákimdiginiń baspasóz qyzmetine silteme jasap.
Qazaqstan Respýblikasynyń Prezidenti Qasym-Jomart Toqaevtyń quttyqtaý sózin Túrkistan oblysy ákimi Darhan Satybaldy oqydy. Memleket Basshysynyń quttyqtaýynda «Ult ustazy atanǵan Ahań túbi bir, tarihy tamyrlas elder úshin asa qundy ǵylymi-tanymdyq mura qaldyrdy. Sol sebepti ony barsha túrki jurty qurmet tutady. Ázirbaijan, bashqurt, ózbek túrik halyqtarynyń belgili ǵalymdary bas qosqan búgingi kongress sonyń aiqyn dáleli», – delingen.
Kongreste IýNESKO Bas direktorynyń orynbasary Ramos Gabrielanyń Ahmet Baitursynulynyń 150 jyldyq mereitoiyna arnalǵan quttyqtaý sózi beinejazba arqyly berildi. Sonymen birge TÚRKSOI Bas hatshysynyń orynbasary Bilial Chakydjy quttyqtaý sózin oqydy.
Qazaqstan Respýblikasy Ǵylym jáne joǵary bilim vitse-ministri Talǵat Eshenqulov Ahmet Baitursynulynyń 150 jyldyq mereitoiy aiasynda atqarylǵan mańyzdy is-sharalar jóninde baiandama jasady.
Is-sharaǵa Qazaqstan, Túrkiia, Ázirbaijan, Ózbekstan, Resei ǵalymdary qatysyp, mazmundy baiandamalar jasap, tulǵanyń bolmysyn ashty.
Kongress aiasynda Ahmet Baitursynulynyń 12 tomdyq jinaǵynyń, Ahmet Baitursynulynyń tańdamaly shyǵarmalarynyń 4 tilde (qazaq, orys, aǵylshyn, túrik) ázirlengen kitabynyń, professor Qarjaýbai Sartqojaulynyń «Orhon eskertkishteriniń tolyq atlasy» 3 tomdyǵynyń, filologiia ǵylymdarynyń doktory Almasbek Ábsadyqovtyń «Sert», «Ustaz joly» kitaptarynyń tusaýkeseri ótti.
Jiynda Qazaqstan, Túrkiia, Ózbekstan ǵalymdary TÚRKSOI-dyń «Ahmet Baitursynuly» medalimen jáne Qazaqstan Respýblikasy Ǵylym jáne joǵary bilim ministrliginiń «Ahmet Baitursynuly» vedomstvolyq tósbelgisimen marapattaldy.
Plenarlyq otyrys sektsiia otyrystarymen jalǵasty.
«Ahmet Baitursynuly jáne túrki tilderiniń teoriiasy men tarihy» sektsiiasyna Qazaqstan Respýblikasy Ulttyq ǵylym akademiiasynyń akademigi, filologiia ǵylymdarynyń doktory, professor Sherýbai Qurmanbaiuly jetekshilik etti. «Ahmet Baitursynuly jáne sóz óneri» sektsiiasyna «Egemen Qazaqstan» respýblikalyq gazeti» jaýapkershiligi shekteýli seriktestiginiń Bas direktory, filologiia ǵylymdarynyń doktory Dihan Qamzabekuly basshylyq jasady. Al «Ahmet Baitursynuly jáne qoǵamdyq-gýmanitarlyq ǵylymdar» sektsiiasyna Qazaqstan Respýblikasy Bilim akademiiasynyń korrespondent múshesi, filologiia ǵylymdarynyń kandidaty Erbol Tileshov jetekshilik etip, mańyzdy baiandamalar jasaldy.
Kongress qorytyndysy boiynsha qarar qabyldandy.
