Foto: Túrkistan oblysy Densaýlyq saqtaý basqarmasy
Túrkistan qalalyq ortalyq aýrýhanasynyń juqpaly aýrýlar bólimine qyzylsha bolýy múmkin degen diagnozben 8 ailyq sábi jetkizildi, dep habarlaidy Túrkistan oblysy Densaýlyq saqtaý basqarmasy.
Tekserý barysynda júrgizilgen rentgenologiialyq zertteý nátijesinde balanyń ish qýysynan bógde zat – ine anyqtaldy. Sábidiń mazasyzdanýy men dene qyzýynyń kóterilýi juqpaly aýrýmen emes, dál osy bógde zattyń áserinen bolǵany belgili boldy.
Dárigerlerdiń aitýynsha, ine balanyń asqorytý joly arqyly emes, baýyr tusynan engeni anyqtalǵan. Balanyń anasy ineni sábi ózdiginen jutpaǵanyn jetkizdi.
Túrkistan qalalyq ortalyq aýrýhanasynyń jáne qalalyq balalar aýrýhanasynyń dárigerleri birlesip, shuǵyl ota jasap, qajetti em-sharalardy tolyq kólemde júrgizdi.
– Ýaqytyly jasalǵan hirýrgiialyq ota men turaqty emniń arqasynda sábi qazirgi tańda jyldam qalpyna kele bastady. Bul jaǵdai sábidiń anasy tarapynan barlyq ata-analarǵa arnalǵan saqtyq úndeýi boldy. Ol balalardyń qaýipsizdigine erekshe mán berip, jazataiym oqiǵalardyń aldyn alý úshin turmystyq zattarǵa muqiiat bolýǵa shaqyrady, – delingen oblystyq Densaýlyq saqtaý basqarmasy taratqan aqparatta.
