Túrkistan oblysynda 300 adamnyń qatysýymen ótip jatqan úilený toiy toqtatyldy, dep habarlaidy "Ult aqparat".
Qazaqstanda koronavirýstyń taralýyna jol bermeý jónindegi QR Úkimeti janyndaǵy vedomstvoaralyq komissiianyń aqparatyna sáikes, Túrkistan oblysynyń Saryaǵash qalasyndaǵy «Káýsar hol» toihanasy shekteý sharalary engizilgennen bastap birneshe ret toi-jiyndar ótkizgen. Solaisha, Bas memlekettik sanitariialyq dárigerdiń qaýlylaryn óreskel buzǵan.
Sondai sharalardyń biri 28 qańtar kúni ótken. Mobildi monitoringilik toptar júrgizgen jospardan tys tekserý barysynda saǵat 15:30 shamasynda 300 adamǵa úilený toiy ótkizilip jatqanyn anyqtaǵan.
«»Baigazieva« JK-ǵa qatysty QR Densaýlyq saqtaý ministriniń 2020 jylǵy 5 shildedegi «Sanitariialyq-epidemiiaǵa qarsy jáne sanitariialyq-profilaktikalyq is-sharalardy uiymdastyrý men júrgizýdiń keibir máseleleri týraly» № QR DSM-78/2020 buiryǵyna sáikes ákimshilik quqyq buzýshylyq is qozǵalyp, 230 AEK kóleminde aippul salyndy.
Qazirgi ýaqytta Saryaǵash qalasynyń Sanitariialyq-epidemiologiialyq baqylaý basqarmasynyń qyzmetkerleri atalǵan toihananyń jumysyn toqtatý boiynsha ekonomikalyq sotqa talap aryz daiyndaýda», - delingen aqparatta.
