Foto: Gov.kz.
Memleket basshysynyń bastamasymen jyl saiyn kásipkerlerge jasalatyn memlekettik qamqorlyqtardyń qatary artyp, beriletin nesielerdiń sýmmasy da kóbeiip otyr, dep habarlaidy «Ult aqparat».
Aýdanǵa investitsiia tartý, jańa jobalardy júzege asyrý arqyly jumyssyzdyq deńgeiin tómendetý boiynsha Túrkistan oblysynyń ákimi Darhan Satybaldynyń tapsyrmasy júzege asyrý maqsatynda birqatar jobalardy júzege asyrýdy qolǵa alǵan Jetisai aýdanynyń ákimi Serik Mamytov Qytai eliniń Sinzian provintsiiasynyń «Tszin Taiian Ko., LTD» kompaniiasynyń basshysy Lýi Kesongany qabyldap, jalpy quny 15 mln AQSh dollary (7,5 mlrd teńge) bolatyn investitsiialyq jobany júzege asyrý boiynsha memorandýmǵa qol qoidy.
Atalmysh joba aiasynda sheteldik kásipker aýdan aýmaǵynda aýyl sharýashylyǵy salasyna qajetti tamshylatyp sýǵarý ádisin júzege asyrýǵa arnalǵan qural-jabdyqtar men plenkalardy shyǵaratyn zaýyt salatyn bolady.
–Aǵyn sýdy únemdeý men ónim sapasyn arttyrýda asa tiimdi tamshylatyp sýǵarý ádisin keńinen júzege asyrýǵa qajetti qural-jabdyqtardyń aýdanymyzda shyǵarylýy sharýalar úshin de, aýdan ekonomikasy úshin de paidaly bolmaq. Odan bólek, kóptegen jergilikti turǵyn turaqty jumyspen qamtylady, baǵasy da tiimdi bolady, – degen aýdan basshysy zaýyttyń infraqurylymy men qajet bolǵan jaǵdaida II deńgeili bankter arqyly nesie alý úshin de qoldaý kórsetetinin jetkizdi.
Aita keteiik, jyl basynan beri 31 mlrd teńgege júzege asyrylǵan investitsiialyq jobalardyń 16 mlrd teńgesi jeke kásiporyndar esebinen. Bul kórsetkishti jyl sońyna deiin 40 mlrd teńgege jetkizý josparlanyp otyr.
