فوتو: Gov.kz.
مەملەكەت باسشىسىنىڭ باستاماسىمەن جىل سايىن كەسٸپكەرلەرگە جاسالاتىن مەملەكەتتٸك قامقورلىقتاردىڭ قاتارى ارتىپ, بەرٸلەتٸن نەسيەلەردٸڭ سۋمماسى دا كٶبەيٸپ وتىر, دەپ حابارلايدى «ۇلت اقپارات».
اۋدانعا ينۆەستيتسييا تارتۋ, جاڭا جوبالاردى جٷزەگە اسىرۋ ارقىلى جۇمىسسىزدىق دەڭگەيٸن تٶمەندەتۋ بويىنشا تٷركٸستان وبلىسىنىڭ ەكٸمٸ دارحان ساتىبالدىنىڭ تاپسىرماسى جٷزەگە اسىرۋ ماقساتىندا بٸرقاتار جوبالاردى جٷزەگە اسىرۋدى قولعا العان جەتٸساي اۋدانىنىڭ ەكٸمٸ سەرٸك مامىتوۆ قىتاي ەلٸنٸڭ سينزيان پروۆينتسيياسىنىڭ «تسزين تاييان كو., لتد» كومپانيياسىنىڭ باسشىسى لۋي كەسونگانى قابىلداپ, جالپى قۇنى 15 ملن اقش دوللارى (7,5 ملرد تەڭگە) بولاتىن ينۆەستيتسييالىق جوبانى جٷزەگە اسىرۋ بويىنشا مەموراندۋمعا قول قويدى.
اتالمىش جوبا اياسىندا شەتەلدٸك كەسٸپكەر اۋدان اۋماعىندا اۋىل شارۋاشىلىعى سالاسىنا قاجەتتٸ تامشىلاتىپ سۋعارۋ ەدٸسٸن جٷزەگە اسىرۋعا ارنالعان قۇرال-جابدىقتار مەن پلەنكالاردى شىعاراتىن زاۋىت سالاتىن بولادى.
–اعىن سۋدى ٷنەمدەۋ مەن ٶنٸم ساپاسىن ارتتىرۋدا اسا تيٸمدٸ تامشىلاتىپ سۋعارۋ ەدٸسٸن كەڭٸنەن جٷزەگە اسىرۋعا قاجەتتٸ قۇرال-جابدىقتاردىڭ اۋدانىمىزدا شىعارىلۋى شارۋالار ٷشٸن دە, اۋدان ەكونوميكاسى ٷشٸن دە پايدالى بولماق. ودان بٶلەك, كٶپتەگەن جەرگٸلٸكتٸ تۇرعىن تۇراقتى جۇمىسپەن قامتىلادى, باعاسى دا تيٸمدٸ بولادى, – دەگەن اۋدان باسشىسى زاۋىتتىڭ ينفراقۇرىلىمى مەن قاجەت بولعان جاعدايدا ٸٸ دەڭگەيلٸ بانكتەر ارقىلى نەسيە الۋ ٷشٸن دە قولداۋ كٶرسەتەتٸنٸن جەتكٸزدٸ.
ايتا كەتەيٸك, جىل باسىنان بەرٸ 31 ملرد تەڭگەگە جٷزەگە اسىرىلعان ينۆەستيتسييالىق جوبالاردىڭ 16 ملرد تەڭگەسٸ جەكە كەسٸپورىندار ەسەبٸنەن. بۇل كٶرسەتكٸشتٸ جىل سوڭىنا دەيٸن 40 ملرد تەڭگەگە جەتكٸزۋ جوسپارلانىپ وتىر.
