Foto: okg.kz
Oblys ákimi Darhan Satybaldynyń tapsyrmasy boiynsha, óńirdegi aýyldardyń ekonomikasyn órkendetip, turǵyndar úshin qolaily ómir súrý orta qalyptastyrý baǵytynda «Úlgili aýyl» baiqaýy qolǵa alynǵan bolatyn. Jaqynda osy baiqaýdyń jeńimpazy anyqtaldy.
Salalyq basqarmalar basshylyǵy, oblystyq máslihat, qoǵamdyq birlestikterdiń ókilderi qatysqan komissiia otyrysynda Qazyǵurt aýdanynyń Sharbulaq aýyly bas júldeni jeńip aldy. Júldeli I oryn Shardara aýdany, Kóksý aýylyna buiyrsa, II oryn Saryaǵash aýdany, Mádeniet aýylyna, III oryn Sozaq aýdany, Jartytóbe aýylyna buiyrdy. Baiqaý erejesine sáikes, bas júlde iegerine, iaǵni Qazyǵurt aýdanyndaǵy Sharbulaq aýyly úshin qajetti áleýmettik nysan anyqtalyp, 2025 jylǵa atalǵan nysannyń qurylysy úshin oblystyq biýdjetten tisti qarajat bólinedi dep josparlanǵan.
Esterińizde bolsa, erejege sáikes baiqaý eki kezeńde ótkizildi. Birinshi kezeńi – sáýir men tamyz aralyǵynda aýdan kóleminde uiymdastyrylsa, al, ekinshi kezeń – oblystyq deńgeide qyrkúiek pen qarasha aralyǵynda jalǵasyn tapty. Baiqaýdyń aýdandyq kezeńine 16 aýdan, qaladan jalpy 75 aýyl qatysqan. Nátijesinde, oblystyq kezeńge 16 aýyl (ár aýdan, qaladan – 1-eýden) joldama alyp, baq synady.
Aita keteiik, arnaiy qurylǵan jumys toby barlyq aýdandy aralap, jeńimpaz aýyldy anyqtady.
