فوتو: okg.kz
وبلىس ەكٸمٸ دارحان ساتىبالدىنىڭ تاپسىرماسى بويىنشا, ٶڭٸردەگٸ اۋىلداردىڭ ەكونوميكاسىن ٶركەندەتٸپ, تۇرعىندار ٷشiن قولايلى ٶمٸر سٷرۋ ورتا قالىپتاستىرۋ باعىتىندا «ٷلگٸلٸ اۋىل» بايقاۋى قولعا الىنعان بولاتىن. جاقىندا وسى بايقاۋدىڭ جەڭٸمپازى انىقتالدى.
سالالىق باسقارمالار باسشىلىعى, وبلىستىق مەسليحات, قوعامدىق بٸرلەستٸكتەردٸڭ ٶكٸلدەرٸ قاتىسقان كوميسسييا وتىرىسىندا قازىعۇرت اۋدانىنىڭ شاربۇلاق اۋىلى باس جٷلدەنٸ جەڭٸپ الدى. جٷلدەلٸ ٸ ورىن شاردارا اۋدانى, كٶكسۋ اۋىلىنا بۇيىرسا, ٸٸ ورىن سارىاعاش اۋدانى, مەدەنيەت اۋىلىنا, ٸٸٸ ورىن سوزاق اۋدانى, جارتىتٶبە اۋىلىنا بۇيىردى. بايقاۋ ەرەجەسٸنە سەيكەس, باس جٷلدە يەگەرٸنە, ياعني قازىعۇرت اۋدانىنداعى شاربۇلاق اۋىلى ٷشٸن قاجەتتٸ ەلەۋمەتتٸك نىسان انىقتالىپ, 2025 جىلعا اتالعان نىساننىڭ قۇرىلىسى ٷشٸن وبلىستىق بيۋدجەتتەن تيستٸ قاراجات بٶلٸنەدٸ دەپ جوسپارلانعان.
ەستەرٸڭٸزدە بولسا, ەرەجەگە سەيكەس بايقاۋ ەكٸ كەزەڭدە ٶتكٸزٸلدٸ. بٸرٸنشٸ كەزەڭٸ – سەۋٸر مەن تامىز ارالىعىندا اۋدان كٶلەمٸندە ۇيىمداستىرىلسا, ال, ەكٸنشٸ كەزەڭ – وبلىستىق دەڭگەيدە قىركٷيەك پەن قاراشا ارالىعىندا جالعاسىن تاپتى. بايقاۋدىڭ اۋداندىق كەزەڭٸنە 16 اۋدان, قالادان جالپى 75 اۋىل قاتىسقان. نەتيجەسٸندە, وبلىستىق كەزەڭگە 16 اۋىل (ەر اۋدان, قالادان – 1-ەۋدەن) جولداما الىپ, باق سىنادى.
ايتا كەتەيٸك, ارنايى قۇرىلعان جۇمىس توبى بارلىق اۋداندى ارالاپ, جەڭٸمپاز اۋىلدى انىقتادى.
