5 maýsymda ótetin referendýmdy qoǵamdyq qoldaý jónindegi respýblikalyq shtab jáne óńirlerdiń qoǵamdyq shtabtary respýblika kóleminde aqparattyq-nasihattyq jumystardy keńinen jáne belsendi túrde júrgizip jatyr. Osy maqsatta respýblikalyq shtab Túrkistan oblysy, Saýran aýdany, Shaǵa aýyldyq okrýgindegi egis alqabynda sharýa qojalyqtarynyń tóraǵalarymen jáne diqandarmen kezdesti.
Kezdesý barysynda, Ata Zańymyzǵa engiziletin ózgerister men tolyqtyrýlar boiynsha Referendýmdy qoǵamdyq qoldaý jónindegi respýblikalyq shtabtyń jáne «Qazaqstan máslihattary depýtattarynyń birlestigi» respýblikalyq qoǵamdyq birlestiginiń tóraǵasy Muqashev Tóleýbek Tóleýuly, oblystyq qoǵamdyq shtab tóraǵasy, Túrkistan oblystyq máslihat hatshysy Balabiev Qairat Rahymuly óz oilarymen bólisip, Referendýmnyń mán-mańyzyna toqtaldy. Sonymen qatar, ultymyz taǵdyrsheshti sátte turǵan shaqta el Prezidentiniń janyna toptasyp, Jańa Qazaqstan, Ekinshi Respýblika qurý ideiasyn qoldaýǵa jáne referendýmǵa belsendi qatysýǵa shaqyrdy.
Óz kezeginde, diqandar elimizdegi oń ózgeristerdi qoldaityndyqtaryn sondai-aq, referendýmǵa qatysatyndyqtaryn jetkizdi.
Budan bólek, Respýblikalyq shtab tóraǵasy men oblystyq shtab músheleri Saýran aýdanyndaǵy aýyl turǵyndarynyń tynys-tirshiligimen tanysyp, referendýmǵa qatysty pikirlerin tyńdap, Konstitýtsiialyq reformalardy keńinen túsindirdi.
