Túrkistan oblysyn damytý baǵytynda júieli jumystar atqarylýǵa tiis. Oblys ákimi Darhan Satybaldynyń tóraǵalyǵymen ótken májiliste atalǵan saladaǵy máseleler men josparlar talqylandy.
«Týrizm salasyn damytý boiynsha strategiialyq jospar qajet. Naqty indikatorlar, mejeler men oǵan jetý joldary naqtylanýy tiis. Júieli jumys arqyly ǵana týrizmdi damytyp, týrister sanyn arttyra alamyz. Jiynda kóterilgen máseleler boiynsha tapsyrmalardyń oryndalýy baqylaýǵa alynady. Bul taqyrypqa aldaǵy ýaqytta taǵy oralyp, keńinen talqylaimyz», – dedi Darhan Satybaldy.
Túrkistan oblysynyń týrizm basqarmasynyń basshysy Gúlmira Ahberdievanyń aitýynsha, óńirde týrister sanyn arttyrý baǵytynda jan-jaqty zertteýler, saraptamalar jasalyp, jumystar atqarylýda.
Túrkistannyń basty brendi ári qundylyǵy – Qoja Ahmet Iasaýi mavzoleii. Búginde ziiarat etýshileri sany artyp keledi. Degenmen týrizm óńirge naqty tabys ákelýi úshin saiahatshylar oblys pen Túrkistan shaharynda kem degende 2-3 kún aialdaityn jaǵdai jasaý qajet. Búginde osy baǵytta jumys júrip jatyr. 2021 jyly Túrkistandaǵy kesenege 1,4 mln. adam ziiarat etse, ornalastyrý oryndarymen qyzmet kórsetilgen kelýshiler sany qalada 100 myńǵa jýyq adamdy quraǵan.
Májiliste infraqurylymdy jaqsartý, týristik aimaqtarǵa jol salý, Túrkistan óńiriniń ereksheligine sáikes jańa qundylyqtar men brendter qalyptastyryp, Naýryz merekesin, kókpar básekelerin, qyzǵaldaqtyń gúldeý sátin týristerge yńǵailap, tartymdy is-sharalarmen órnekteý ideialary da sóz boldy. Sonymen birge shyǵys bazarynyń jumysyn jandandyryp, qolónershiler men jergilikti kásipkerlerdiń múmkindigin tiimdi paidalaný joldary da talqylandy.
Oblys ákimi týrizm salasynyń Túrkistan óńiri úshin asa mańyzdy ekenin aita kele, jaýapty basqarmalar men men aýdan, qala ákimdikterine tapsyrmalar berdi. Salany júieli damytý boiynsha strategiialyq jospar jasaýdy júktedi.
