Túrkistan oblysynyń tabiǵi resýrstar jáne tabiǵat paidalanýdy retteý basqarmasynyń «Jasyl Aimaq» KMM-sine qarasty jer telimderinde 2019-2020 jyldar aralyǵynda 4700 gektar alqapqa 11 millionnan astam japyraqty aǵash kóshetteri ósirilgen edi. Byltyr jospar boiynsha kóktemde Túrkistan qalasy ainalasyna 3000 gektar jer telimderine 7 million danadan astam ár túrli japyraqty aǵash kóshetterinen mádeni ekpe alqaptary otyrǵyzyldy. Túrkistan qalasynyń ainalasyna «Jasyl beldeý» qurýǵa oblystyń ýran óndirýshi kompaniialary da atsalysýda.
2020-2021 jyldary kóktem-kúz mezgilinde «Jasyl aimaq» mekemesine qarasty 820 gektar jerge sekseýil kósheti egilip, 2500 gektarǵa sekseýil tuqymy sebildi. Biyl jospar boiynsha 1000 gektar aýmaqqa mádeni ekpe otyrǵyzý josparlanyp otyr. Kóktem mezgilinde 300 gektarǵa 375 myń japyraqty aǵash jáne 100 gektarǵa 290 myńnan asa sekseýil kóshetteri otyrǵyzyldy.
Budan bólek, «Jasyl aimaq» kommýnaldyq memlekettik mekemesinde 120 gektar aýmaǵynda aǵash-buta ósimdikterin ósirýge turaqty tuqymbaq úlestirilgen. Biyl 30 gektar jerge 16 túrli aǵash-buta ósimdikter kóshetteri ósirilýde. Atap aitqanda, qylqan japyraqty aǵashtardyń 3 túrinen 10 myńǵa jýyq kóshet ósirilip jatyr. Japyraqty aǵashtardyń 10 túri (qaraǵash, shaǵan, tut, úieńki, akatsiia, sánaǵash, talshyn, japon saforasy, jide, sekseýil) – 1840320 dana onyń ishinde sekseýil – 253055 dana. Buta tektes kóshetterdiń 3 túri (gibiskýs (qytai raýshany), forzitsiia, aiva) – 2887. Jalpy 2 millionnan astam aǵash egildi.
Kúzgi orman daqyldaryn túgendeý qorytyndysy boiynsha tuqymbaqtarda ónimdilik joǵary. 16 ga jerge sebilgen qaraǵash tuqymynyń ónimdiligi – 1428480 dana bolsa, shaǵan aǵashy tuqymynyń ónimdiligi 0,3 gektarda 70000 danaǵa jetip otyr. 1,9 gektarǵa sebilgen úieńki tuqymynan – 137500 dana, qaratal aǵashy 0,1 ga jerge ósirilip, ónimdiligi 4050 danaǵa jetken.
