Túrkistan oblysynyń sáýlet jáne qala qurylysy basqarmasynyń uiymdastyrýymen óńirdiń jańa gerbiniń úzdik eskizdik jobasyna baiqaý jariialandy, dep habarlaidy óńir basshysynyń baspasóz qyzmeti.
Túrkistan oblysynyń gerbine úzdik eskizdik usynystar 2018 jyldyń 3 qazan kúni saǵat 16:00-de qaralady. Oǵan qatysý úshin baiqaý 2018 jyldyń 1 qazanyna deiin Túrkistan oblysynyń sáýlet jáne qala qurylysy basqarmasyna tapsyrylýy qajet (sauletuko@yandex.ru, 53-95-56). Jeńimpazdar diplommen jáne qarjylai syilyqtarmen marapattalady. Jalpy júlde qory - 1 million teńge.
Baiqaýǵa jeke jáne zańdy tulǵalar qatysady. Baiqaý talaptary: túsinikteme jazba, eskizdiń maqsatyn aiqyndaityn negizgi syzbalar, kompiýterlik keskindeme nemese túrli-tústi boiaýmen salynǵan sýreti, jobalar kólemi 90h60 sm planshetterge ornalastyrylýy qajet.
Baiqaýǵa qatysýshylardyń usynystaryn respýblikaǵa belgili sáýletshiler men sala mamandary saralaityn bolady.
