Túrkistan oblysynda taýǵa demalýǵa shyqqan oqýshylar joǵalyp ketti. Biriniń óli denesi tabyldy. Bul týraly QR Ishki ister ministrligi Tótenshe jaǵdailar komiteti habarlady.
15 maýsymda kúndiz Tóle bi aýdany, Býrgýliýk aýylynan 5 shaqyrym jerde ornalasqan «Býrgýliýk» demalys aimaǵynda 22 oqýshy men 3 eresek adam taý bókterine demalýǵa shyqqan.
Toǵyz oqýshy men 1 tárbieshi taýǵa kúndiz shyqqan. Alty oqýshy men 1 tárbieshi taýdan óz betimen túse alǵan. Al 3 oqýshy adasyp ketken.
Tárbieshi taýdan túskennen keiin saǵat 22:48-de «112» nómirine habarlasqan.
Saǵat 23:00-den bastap Shymkent qalasynyń Tótenshe jaǵdailar departamenti Jedel-qutqarý jasaǵynyń (6 qyzmetker men 1 tehnika), Túrkistan oblysynyń TJD (10 qyzmetker men 3 tehnika), jedel meditsinalyq járdem brigadasy (5 qyzmetker men 1 tehnika), politsiia bólimi (2 adam men 1 tehnika) kúshteri izdestirý-qutqarý jumystaryn júrgizýde. Barlyǵy 23 adam men 5 tehnika jumyldyrylǵan.
«16 maýsym saǵat 00:58-de Shymkent qalasynyń TJD-nyń izdestirý toby jardan qulap ketken 2003 jyly týǵan jasóspirimniń denesin taýyp, jerge túsirdi. Keiin politsiiaǵa tapsyrady.
16 maýsym saǵat 11:00-degi jaǵdai boiynsha, qutqarýshylar taýdan 2 oqýshyny tapty. Qutqarýshylardyń aitýynsha, olarmen uialy telefonmen bailanys bar. Shymkent qalasy TJD JQJ qutqarýshylary alpinistik qural-jabdyqtardy qoldana otyryp, balalardy túsirý jáne qutqarý boiynsha operatsiia júrgizýde. Alaida, jartasty jerler, biik taýlar men tik betkeilerge bailanysty qutqarý jumystary qiyndai túsýde.
Qutqarý operatsiiasynyń qorytyndysy týraly qosymsha habarlanady», - delingen QR IIM TJK habarlamasynda.
