Qazaqstannyń sý dobynan ulttyq quramasynyń qaqpashysy Temirlan Balfanbaev Aziia oiyndarynan keiin áleýmettik jelide tanymal boldy. Jeli qoldanýshylary ony Gollivýd akteri Kianý Rivzge uqsatyp, «qazaqstandyq Kianý Rivz» dep atap júr, dep habarlaidy ult.kz.
24 jastaǵy Temirlan – sý dobynan halyqaralyq dárejedegi sport sheberi. Jaqynda ol Japoniiada ótken Aziia oiyndarynda Qazaqstan quramasymen birge kúmis medal jeńip aldy.
Finalǵa deiin qazaqstandyq sportshylar Ońtústik Koreia men Qytai quramalaryn jeńgen. Alaida sheshýshi oiynda týrnir qojaiyndary – Japoniia quramasyna ese jiberdi.
Aziia oiyndaryndaǵy sporttyq jetistikten bólek, Temirlannyń sýretteri áleýmettik jelide keńinen tarady. Jarystyń resmi fotosessiiasynan jariialanǵan kadrlar jeli qoldanýshylarynyń nazaryn aýdarǵan.
«Kianý Rivzge qatty uqsaidy!», «Qandai symbatty!», «Kianý Rivzdiń qazaqsha nusqasy», «Onyń TikTok-taǵy videolary bir jyldan beri tarap júr», – dep jazǵan jeli qoldanýshylary.
