Keles aýdanynda gaz quiý beketin tonaǵan kúdiktiler qolǵa tústi, dep habarlaidy "Ult aqparat" Túrkistan oblysy PD baspasóz qyzmetine silteme jasap.
Keles APB-ne aýdanǵa qarasty aýyldyń birinde ornalasqan gaz quiý beketinde jumys isteitin jergilikti turǵyn aryzdanady. Ol tasjol boiyndaǵy gaz quiý beketinde tańǵy 04:00-der shamasynda jumysta otyrǵan kezinde belgisiz azamattar kelip, gaz quiyp berýge shyǵýyn ótingen. Jábirlenýshi azamattyń aitýynsha, ol shyqqan sátte, álgi jigitterdiń biri basynan belgisiz zatpen uryp, qulatady. Kelesi bireýi kassadaǵy aqshany berýdi talap etedi. Alaida kassada aqsha joqtyǵyn kórgen kúdiktiler, jábirlenýshiniń qaltasyndaǵy quny 70 000 teńge turatyn uialy telefonyn tartyp alyp, kelgen kólikterine minip, Jetisai aýdany baǵytyna ketip qalǵan.
Atalǵan jait sotqa deiingi tergep-tekserýdiń biryńǵai tizilimine engizilip, QR QK-niń 192-baby «Qaraqshylyq» boiynsha tirkeldi.
Oqiǵa ornyna jyldam jetken politseiler kúsh qoldaný arqyly shabýyl jasalǵanyn anyqtady. Jedel-izdestirý jumystary nátijesinde beinebaqylaý kamerasyna túsip qalǵan kúdiktilerdiń kóligin anyqtalyp, osy iske qatysty 4 kúdikti Shymkent qalasynda ustaldy. Olar sol qalanyń turǵyndary bolyp shyqty. Kúdiktilerden jábirlenýshiniń uialy telefony aiǵaqzat retinde alynyp, zańdy iesine qaitaryldy.
Tergeý barysynda kúdiktiler gaz quiý beketin tonaǵannan jarty saǵat buryn 30 shaqyrym qashyqtyqta ornalasqan janar-jaǵar mai beketinen janarmai toltyryp quidyryp alyp, aqshasyn tólemei ketkeni belgili boldy. Odan bólek Shymkent qalasyndaǵy osyndai qylmystarǵa qatysa bar-joǵy anyqtalýda. Qazirgi tańda sotqa deiingi tergeý amaldary júrgizilýde.
