كەلەس اۋدانىندا گاز قۇيۋ بەكەتٸن توناعان كٷدٸكتٸلەر قولعا تٷستٸ, دەپ حابارلايدى "ۇلت اقپارات" تٷركٸستان وبلىسى پد باسپاسٶز قىزمەتٸنە سٸلتەمە جاساپ.
كەلەس اپب-نە اۋدانعا قاراستى اۋىلدىڭ بٸرٸندە ورنالاسقان گاز قۇيۋ بەكەتٸندە جۇمىس ٸستەيتٸن جەرگٸلٸكتٸ تۇرعىن ارىزدانادى. ول تاسجول بويىنداعى گاز قۇيۋ بەكەتٸندە تاڭعى 04:00-دەر شاماسىندا جۇمىستا وتىرعان كەزٸندە بەلگٸسٸز ازاماتتار كەلٸپ, گاز قۇيىپ بەرۋگە شىعۋىن ٶتٸنگەن. جەبٸرلەنۋشٸ ازاماتتىڭ ايتۋىنشا, ول شىققان سەتتە, ەلگٸ جٸگٸتتەردٸڭ بٸرٸ باسىنان بەلگٸسٸز زاتپەن ۇرىپ, قۇلاتادى. كەلەسٸ بٸرەۋٸ كاسساداعى اقشانى بەرۋدٸ تالاپ ەتەدٸ. الايدا كاسسادا اقشا جوقتىعىن كٶرگەن كٷدٸكتٸلەر, جەبٸرلەنۋشٸنٸڭ قالتاسىنداعى قۇنى 70 000 تەڭگە تۇراتىن ۇيالى تەلەفونىن تارتىپ الىپ, كەلگەن كٶلٸكتەرٸنە مٸنٸپ, جەتٸساي اۋدانى باعىتىنا كەتٸپ قالعان.
اتالعان جايت سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸنە ەنگٸزٸلٸپ, قر قك-نٸڭ 192-بابى «قاراقشىلىق» بويىنشا تٸركەلدٸ.
وقيعا ورنىنا جىلدام جەتكەن پوليتسەيلەر كٷش قولدانۋ ارقىلى شابۋىل جاسالعانىن انىقتادى. جەدەل-ٸزدەستٸرۋ جۇمىستارى نەتيجەسٸندە بەينەباقىلاۋ كامەراسىنا تٷسٸپ قالعان كٷدٸكتٸلەردٸڭ كٶلٸگٸن انىقتالىپ, وسى ٸسكە قاتىستى 4 كٷدٸكتٸ شىمكەنت قالاسىندا ۇستالدى. ولار سول قالانىڭ تۇرعىندارى بولىپ شىقتى. كٷدٸكتٸلەردەن جەبٸرلەنۋشٸنٸڭ ۇيالى تەلەفونى ايعاقزات رەتٸندە الىنىپ, زاڭدى يەسٸنە قايتارىلدى.
تەرگەۋ بارىسىندا كٷدٸكتٸلەر گاز قۇيۋ بەكەتٸن توناعاننان جارتى ساعات بۇرىن 30 شاقىرىم قاشىقتىقتا ورنالاسقان جانار-جاعار ماي بەكەتٸنەن جانارماي تولتىرىپ قۇيدىرىپ الىپ, اقشاسىن تٶلەمەي كەتكەنٸ بەلگٸلٸ بولدى. ودان بٶلەك شىمكەنت قالاسىنداعى وسىنداي قىلمىستارعا قاتىسا بار-جوعى انىقتالۋدا. قازٸرگٸ تاڭدا سوتقا دەيٸنگٸ تەرگەۋ امالدارى جٷرگٸزٸلۋدە.
