Elimizde ardagerler arasynda buqaralyq sportty jańǵyrtý kún tártibinen túsken emes. «Qarttary bar el – qazynaly». Bul rette, respýblikamyz boiynsha Oral qalasynda 15-18 qyrkúiek aralyǵynda ardagerler arasyndaǵy spartakiada joǵary deńgeide uiymdastyryldy. Qoǵamdyq ómirimizdiń damýyna mol úlesin qosqan sportshy-ardagerler arasynda tartysty ótken bul jarys dástúrli túrde ótedi.
Jarys barysynda ardagerlerdiń arasynda keńinen damyǵan ulttyq sportymyzdyń kóshin bastaǵan qazaq kúresi, voleibol, shaǵyn fýtbol, shahmat, toǵyzqumalaq, qazaq kúresi, ústel tennisinen baq synasty.
Asa tartysty ótken respýblikalyq saiysqa Shymkent qalasy men Aqmola, Túrkistan, Atyraý, Jetisý, Qostanai, Qyzylorda oblystary men Pavlodar, Soltústik Qazaqstan jáne Batys Qazaqstan óńirlerinen komandalar qatysyp, kúsh synasty.
«Túrkistandyq balýandar qazaq kúresinen elimiz boiynsha ótken respýblikalyq jarysta myqtylyqtaryn kórsetip, boz kilemde qarsylastaryn tize búktirdi. Qazaq kúresinen bas júldeni ielengen jerlesterimiz altyn medal ielenip, týǵan elge oljaly oraldy», delingen Túrkistan oblysy ákimdiginiń baspasóz habarlamasynda.
Aitalyq, Túrkistan oblysynyń talantty ardager balýany 74 kelidegi Qurmanǵazy Beisenov spartakidanyń jeńimpazy atandy. 50 jastan asqan sportshy ardegerlerimiz de barlyq sport túrlerinen sheberlikterin kórsetti. Budan ózge sport túrleri boiynsha túrkistandyqtar voleiboldan 3 oryn, toǵyzqumalaqtan 3 oryn, ústel tennisinen 3 oryn, shaǵyn fýtboldan 5 oryn jáne shahmattan 5 oryn ielenip, respýblikalyq dodada jaqsy nátije kórsetti.
Sonymen, spartakiadanyń qorytyndysy boiynsha jalpy komandalyq esepte 122 upai jinaǵan Túrkistan oblysynyń komandasy bas júldeni jeńip aldy. Al, 121 upai sanymen Atyraý oblysynyń quramasy kúmis júlde, Batys Qazaqstan oblysynyń kelgen ardagerler quramasy 116 upai jinap, qola júldeger atandy.
«Osylaisha, birligi men tatýlyǵy jarasqan Túrkistan oblysynyń ardeger-sportshylary Oral qalasynan tolaǵai tabyspen týǵan elge oraldy», delingen habarlamada.
