ەلٸمٸزدە ارداگەرلەر اراسىندا بۇقارالىق سپورتتى جاڭعىرتۋ كٷن تەرتٸبٸنەن تٷسكەن ەمەس. «قارتتارى بار ەل – قازىنالى». بۇل رەتتە, رەسپۋبليكامىز بويىنشا ورال قالاسىندا 15-18 قىركٷيەك ارالىعىندا ارداگەرلەر اراسىنداعى سپارتاكيادا جوعارى دەڭگەيدە ۇيىمداستىرىلدى. قوعامدىق ٶمٸرٸمٸزدٸڭ دامۋىنا مول ٷلەسٸن قوسقان سپورتشى-ارداگەرلەر اراسىندا تارتىستى ٶتكەن بۇل جارىس دەستٷرلٸ تٷردە ٶتەدٸ.
جارىس بارىسىندا ارداگەرلەردٸڭ اراسىندا كەڭٸنەن دامىعان ۇلتتىق سپورتىمىزدىڭ كٶشٸن باستاعان قازاق كٷرەسٸ, ۆولەيبول, شاعىن فۋتبول, شاحمات, توعىزقۇمالاق, قازاق كٷرەسٸ, ٷستەل تەننيسٸنەن باق سىناستى.
اسا تارتىستى ٶتكەن رەسپۋبليكالىق سايىسقا شىمكەنت قالاسى مەن اقمولا, تٷركٸستان, اتىراۋ, جەتٸسۋ, قوستاناي, قىزىلوردا وبلىستارى مەن پاۆلودار, سولتٷستٸك قازاقستان جەنە باتىس قازاقستان ٶڭٸرلەرٸنەن كوماندالار قاتىسىپ, كٷش سىناستى.
«تٷركٸستاندىق بالۋاندار قازاق كٷرەسٸنەن ەلٸمٸز بويىنشا ٶتكەن رەسپۋبليكالىق جارىستا مىقتىلىقتارىن كٶرسەتٸپ, بوز كٸلەمدە قارسىلاستارىن تٸزە بٷكتٸردٸ. قازاق كٷرەسٸنەن باس جٷلدەنٸ يەلەنگەن جەرلەستەرٸمٸز التىن مەدال يەلەنٸپ, تۋعان ەلگە ولجالى ورالدى», دەلٸنگەن تٷركٸستان وبلىسى ەكٸمدٸگٸنٸڭ باسپاسٶز حابارلاماسىندا.
ايتالىق, تٷركٸستان وبلىسىنىڭ تالانتتى ارداگەر بالۋانى 74 كەلٸدەگٸ قۇرمانعازى بەيسەنوۆ سپارتاكيدانىڭ جەڭٸمپازى اتاندى. 50 جاستان اسقان سپورتشى اردەگەرلەرٸمٸز دە بارلىق سپورت تٷرلەرٸنەن شەبەرلٸكتەرٸن كٶرسەتتٸ. بۇدان ٶزگە سپورت تٷرلەرٸ بويىنشا تٷركٸستاندىقتار ۆولەيبولدان 3 ورىن, توعىزقۇمالاقتان 3 ورىن, ٷستەل تەننيسٸنەن 3 ورىن, شاعىن فۋتبولدان 5 ورىن جەنە شاحماتتان 5 ورىن يەلەنٸپ, رەسپۋبليكالىق دودادا جاقسى نەتيجە كٶرسەتتٸ.
سونىمەن, سپارتاكيادانىڭ قورىتىندىسى بويىنشا جالپى كوماندالىق ەسەپتە 122 ۇپاي جيناعان تٷركٸستان وبلىسىنىڭ كومانداسى باس جٷلدەنٸ جەڭٸپ الدى. ال, 121 ۇپاي سانىمەن اتىراۋ وبلىسىنىڭ قۇراماسى كٷمٸس جٷلدە, باتىس قازاقستان وبلىسىنىڭ كەلگەن ارداگەرلەر قۇراماسى 116 ۇپاي جيناپ, قولا جٷلدەگەر اتاندى.
«وسىلايشا, بٸرلٸگٸ مەن تاتۋلىعى جاراسقان تٷركٸستان وبلىسىنىڭ اردەگەر-سپورتشىلارى ورال قالاسىنان تولاعاي تابىسپەن تۋعان ەلگە ورالدى», دەلٸنگەن حابارلامادا.
