Qazaqstan Prezidenti Nursultan Nazarbaevtyń Jarlyǵymen Janseiit Túimebaev Túrkistan oblysynyń ákimi bolyp taǵaiyndaldy. Bul týraly Aqordanyń baspasóz qyzmetinen habarlandy.
J.Q.Túimebaevty Túrkistan oblysynyń ákimi qyzmetine taǵaiyndaý týraly
Janseiit Qanseiituly Túimebaev Túrkistan oblysynyń ákimi bolyp taǵaiyndalsyn, ol Ońtústik Qazaqstan oblysynyń ákimi qyzmetinen bosatylsyn.
Qazaqstan Respýblikasynyń
Prezidenti N.Nazarbaev
Astana, Aqorda, 2018 jylǵy 20 maýsym
№703
Túimebaev Janseiit Qanseiituly 1958 jyly Ońtústik Qazaqstan oblysynda dúniege kelgen. Filologiia ǵylymynyń kandidaty, professor. Qazaq memlekettik ýniversitetin, Máskeý memlekettik áleýmettik ýniversitetiniń zań fakýltetin bitirgen. 1980-1993 jyldary - Qazaq memlekettik ýniversitetinde oqytýshy, dotsent. 1993-1994 jyldary - Qazaqstan Respýblikasy Syrtqy ister ministrliginiń birinshi hatshysy, bólim bastyǵy. 1997-1999 jyldary - Qazaqstan Respýblikasy Prezidenti protokol qyzmetiniń bas sarapshysy, Qazaqstan Respýblikasynyń Ystanbul qalasyndaǵy Bas konsýly, 1999-2006 jyldary - QR Prezidenti protokolynyń jetekshisi, 2004-2006 jyldary - Qazaqstan Respýblikasy Prezidenti protokolynyń jetekshisi - Qazaqstan Respýblikasy Prezidentiniń keńesshisi, 2006-2007 jyldary - Qazaqstan Respýblikasynyń Bilim jáne ǵylym ministri, 2007-2010 jyldary Resei Federatsiiasyndaǵy Tótenshe jáne Ókiletti Elshisi, 2010-2016 jyldary Qazaqstannyń Túrkiiadaǵy tótenshe jáne ókiletti elshisi bolyp qyzmet atqardy. 2016 jylǵy 6 qazanda Ońtústik Qazaqstan oblysynyń ákimi bolyp taǵaiyndalǵan bolatyn. "Qazaq tiliniń tarihi grammatikasy", "Qazirgi qazaq tiliniń leksikologiiasy", "Qazaq tili", "Qazaq tili: Grammatikalyq anyqtamalyq", t.b. kitaptardyń avtory. "Qurmet" ordenimen, t.b. ártúrli merekelik medaldarmen marapattalǵan.
