Túrkistanda jurtshylyqtyń saiasi naýqanǵa degen belsendiligi joǵary. Búgin Túrkistan oblysynyń ákimi Darhan Satybaldy óz tańdaýyn jasady, dep habarlaidy «Ult aqparat» oblys ákimdiginiń baspasóz qyzmetine silteme jasap.
Óńir basshysy el taǵdyry úshin mańyzdy saiasi naýqanǵa atsalysty. Oblys ákimi Túrkistan qalasyndaǵy Qoja Ahmet Iasaýi atyndaǵy Halyqaralyq qazaq-túrik ýniversitetiniń mádeniet ortalyǵynda ornalasqan №133 sailaý ýchaskesine kelip daýys berdi.
Túrkistan oblysy boiynsha 919 sailaý ýchaskesi bar. Onyń 50-i oblys ortalyǵynda ornalasqan. Sailaý ýchaskeleriniń 893-i azamattardyń turǵylyqty jeri boiynsha jáne 26-y ýaqytsha bolý oryndaryndaǵy sailaý ýchaskeleri (5 - áskeri bólimde, 1 - shipajaida, 16 - emdeý mekemesinde, 4 - ýaqytsha ustaý izoliatorynda).
Oblys boiynsha internet jyldamdyǵy joǵary
300-den astam sailaý ýchaskelerinde eqov.kz portaly arqyly sailaýshylardyń tirkelgen meken - jaiyn tekserý boiynsha onlain servister uiymdastyrylǵan. Sonymen qatar, sailaýshylardy tizimderden tekserý boiynsha «109 biryńǵai bailanys ortalyǵy» (Call – ortalyq) 24/7 rejimde jumys jasaýda.
Oblys ortalyǵy Túrkistan qalasynda 5 sailaý ýchaskelerinde daýys berý kúni tirkeýde joq azamattardy anyqtaý jáne tirkeý boiynsha qyzmetter uiymdastyrylǵan. Barlyq sailaý ýchaskelerinde zańǵa sáikes saǵat 07.00-de daýys berý bastaldy.
Sońǵy málimetterge sáikes, oblysta 1 163 860 sailaýshy daýys beredi dep josparlanǵan.
Naýqandy baqylaýǵa 2 229 komissiia múshesi bekitilgen. Olar ýchaskelerdiń tehnikalyq jabdyqtalýyn, sapaly ǵalamtormen qamtylýyn tekserip, tiisti sheshim shyǵarǵan. Óńirde sailaýshylarǵa barlyq jaǵdai jasalǵan.
Oblys aýmaǵynda sailaý kúni qoǵamdyq kólikter tegin qyzmet kórsetýde.
Sailaýda múgedektigi bar azamattar úshin jaǵdai jasalynǵan. Qazirgi tańda oblysta 97 101 múgedektigi bar azamat turady. Olardyń 60 paiyzy sailaýda daýys berý quqyǵyna ie. Múmkindigi shekteýli azamattarǵa qolaily jaǵdai jasaý úshin ýchaskelerde arnaiy buryshtar ornatylǵan. Odan bólek, 36 invataksi, 42 áleýmettik taksi, estý qabiletteri nashar azamattar úshin 101 ymdaý mamany qyzmet kórsetip jatyr.
Saǵat 10.00-degi málimet boiynsha Túrkistan oblysy sailaýshylarynyń 27% daýys berdi.
