Túrkistan oblysy Jetisai aýdany Atameken aýyl okrýgindegi Qoǵaly aýylyn tasqyn sý basty degen aqparat shyndyqqa janaspaidy, dep habarlaidy "Ult aqparat" Túrkistan oblysynyń óńirlik kommýnikatsiialar qyzmetine silteme jasap.
Óńirlik kommýnikatsiialar qyzmeti taratqan aqparattarǵa qaraǵanda, atalǵan aýyldaǵy 186 úide turatyn 1400 turǵynnyń basym kópshiligi áielder. Olar bala-shaǵalaryn alyp, búginde óz erikterimen Jetisai qalasyndaǵy týǵan-týystarynyń úilerine ornalasqan.
Desek te, aýdan ákimdigi qaýipsiz aimaqqa kóshemin deýshilerge arnap úsh mektepti ázirlep, aýylǵa 50 oryndyq avtobýs ta qoiyp qoiǵan. Biraq aýyldyń er kisileri kóshýden óz erikterimen bas tartyp, eldi meken irgesindegi damba kóterý jumystaryna atsalsysýdy jón kóripti.
«Jetisai aýdanynyń Ózbekstan Respýblikasymen shekaralas ornalasqan Qoǵaly aýylyndaǵy jaǵdaidyń buǵan deiin baqylaýda bolǵanyn eskertemiz. Atalǵan eldi mekende aýdan ákimdigi men tótenshe jaǵdailar qyzmetiniń mamandary sý tasqynynyń aldyn alý sharalaryn júrgizip, damby turǵyzý, qum toly qapshyq qalaý jumystaryn atqarýda»,-delingen habarlamada.
