2021-2025 jyldary Túrkistan oblysyndaǵy 132 577 adam turatyn 367 aýyldyq eldi mekende sýmen jabdyqtaý júielerin salý jáne rekonstrýktsiialaý josparlanǵan, dep habarlaidy "Ult aqparat".
Úkimet otyrysynda Indýstriia jáne infraqurylymdyq damý ministri osyndai málimet Beibit Atamqulov aitty.
«Túrkistan oblysynyń qalalyq eldi mekenderinde sýmen jabdyqtaý qyzmetterine 98,9% qoljetimdilik bar. Aýyldyq eldi mekenderde qoljetimdilik 92,1% - dy quraidy. 2021-2025 jyldary 367 aýyldyq eldi mekende sýmen jabdyqtaý júielerin salý jáne rekonstrýktsiialaý josparlanýda. Sondai-aq, 49 aýyldyq eldi mekende jergilikti biýdjet qarajaty esebinen sý tazartýdyń keshendi blok-modýlderi ornatylady», - dedi vedomstvo basshysy.
Óńirdi damytýdyń keshendi jospary boiynsha 2025 jyly oblys halqynyń 100%-y sapaly sýmen qamtamasyz etýli kerek.
«2021 jylǵa arnalǵan keshendi jospar sheńberinde Túrkistan oblysynda sýmen jabdyqtaý jáne sý burý boiynsha 58 jobany iske asyrýǵa respýblikalyq biýdjetten 14,1 mlrd teńge somasynda qarajat bólý qoldaý tapty. Bólingen qarajat esebinen 743 km sýmen jabdyqtaý jáne sý burý jelilerin salý jáne rekonstrýktsiialaý josparlanady. Sondai-aq, 19,5 myń adam sýmen jabdyqtaý qyzmetterimen qosymsha qamtamasyz etiletin bolady. Jalpy osy baǵyttar boiynsha 638 jumys orny qurylady», - dedi Beibit Atamqulov.
