Maqtaaral aýdanynda sý basý qaýpi bar eldi mekender ainalasyna bógetter salynýda. Búginde Nurly jol aýylynyń aýmaǵynda uzyndyǵy 2,5, biiktigi 1,5 bolatyn bóget soǵyldy, dep habarlaidy "Ult aqparat".
Oblys ákimdiginiń málimetinshe, Firdoýsi eldi mekeninen Myrzakentke qarai 3 kollektor ornalastyryldy. Órgebas eldi mekeniniń aýmaǵynda uzyndyǵy 20 m , biiktigi 1 metr bolatyn bóget jasalsa, Yrysty eldimekeninde biiktigi 0,5 m , uzyndyǵy 40 metrlik bóget soǵyldy. Sondai-aq, Jantaqsai eldimekeniniń mańynan uzyndyǵy 800 metr bolatyn bóget turǵyzyldy.
Al, kórshi Jetisai aýdanynda Qoǵaly aýylynyń avtomobil jolynyń boiynda uzyndyǵy 500 metrden asatyn bóget salý arqyly nyǵaitý jumystary júrgizilýde. Bul jumystarǵa 6000 dana qap paidalanylǵan.
Atalǵan jumysqa 649 adam, 15 dana tehnika jumyldyrylǵan. Onyń ishinde jergilikti ákimdikten 13 tehnika, 15 adam, TJD 30 adam, Politsiia departamentinen 4 adam, 2 tehnika jáne 600-den astam eriktiler bar.
Esterińizge sala keteiik, 1 mamyrda Sardoba sý qoimasy bógetin sý shaiyp ketýine bailanysty Ózbekstannyń Syrdariia oblysyndaǵy eldimekendi sý basty.
Sonyń saldarynan Maqtaaral aýdanynda shekara mańyndaǵy birneshe kollektor sýǵa tolyp qalǵan. Maqtaaraldaǵy ortalyq kollektordan sý syrtqa jaiylyp, Jeńis, Jańa turmys aýyldaryn sý alyp ketti.
Sondai-aq, Túrkistan oblysyndaǵy eldi mekenderdi sý basý saldaryn joiý jónindegi Úkimettik komissiia quryldy.
