Túrkistan oblysyndaǵy etnomádeni birlestikter arasynda spartakiada ótti. Saiysqa qatysqan bes komanda músheleri shaǵyn fýtbol, stol tennisi, shahmat, qashyqtyqqa júgirý, doiby syndy sporttyń bes túrinen synǵa tústi, dep habarlaidy QazAqparat tilshisi.
Spartakiadanyń ashylý saltanatynda Túrkistan oblystyq Qazaqstan halqy Assambleiasy hatshylyǵy meńgerýshisiniń mindetin atqarýshy Madina Kamedenova sóz sóilep, barsha qatysýshylarǵa sáttilik tiledi. Óńirdegi etnostardyń dostyǵyn, berekeli birligin odan ári nyǵaitýda mundai sharalardyń mańyzy zor ekendigine toqtaldy. Oblys ákimi apparatynyń qoǵamdyq kelisim KMM basshysynyń mindetin atqarýshy Zańǵar Úsipahmetov spartakiadany uiymdastyrýdaǵy maqsat ulttar arasyndaǵy tatýlyqty dáripteý ekendigin, aldaǵy ýaqytta osyndai is-sharalar jalǵasyn taba beretindigin aityp ótti.
Asa tartysty ótken saiys nátijesinde bas júlde Túrkistan qalasynyń komandasyna buiyrdy. Birinshi oryndy oblystyq ózbek etnomádeni birlestigi ielense, ekinshi oryndy Sairam aýdanynyń komandasy mise tutty. Al, úshinshi oryn túrik etnomádeni birlestigine berildi.
Jarys jeńimpazdary men júldegerleri qarjylai syilyqqa ie boldy.
